ఒంగోలు లో జగనన్న బుజ్జగింపు కార్యక్రమం

రాష్ట్రంలో జగనన్న బుజ్జ గింపు కార్యక్రమం మొదలయినట్లుంది. జిల్లాలో గుర్రుమంటున్న సీనియర్ నేతలను ముఖ్యమంత్రి వైఎస్ జగన్మోహన్ రెడ్డి బుజ్జగించే పని మొదలుపెట్టినట్లు ఉన్నారు. ప్రకాశం జిల్లా ఒంగోలు ఎమ్మెల్యే బాలినేని శ్రీనివాసరెడ్డి తో ఇది మొదలయింది.

చాలారోెజులుగా తిరుగబాటు మూడులో ఉన్న బాలినేని పార్టీ కి చాలా ముఖ్యమయిన వ్యక్తి అనే రుజువుచేసేందుకు ముఖ్యమంత్రి పనిచేసినట్లు విశ్వసనీయ సమాచారం. ఒంగోలు నుంచి పోటీ చేయడంతో పాటు సంతనూతపాడు, కొండపి నియోజకవర్గాల్లో ఉన్న ఇద్దరు మంత్రుల విషయాన్ని కూడా ఎలా డీల్‌ చేయాలో సీఎం బాలినేనికి సూచించారనే విషయమై తీవ్రస్థాయిలో చర్చ జరుగుతున్నది.

గురువారం రాత్రి ఒంగోలు ఎమ్మెల్యే బాలినేని శ్రీనివాసరెడ్డి ముఖ్యమంత్రి వైఎస్‌ జగన్‌మోహన్‌రెడ్డిని తాడేపల్లిలోని క్యాంపు కార్యాలయంలో కలిసారు. ఇందులో బాలినేని ప్రకాశం జిల్లా రాజకీయాల గురించి సీఎంకు వివరిస్తే,వివాదాలను పరిష్కరించేందుకు ఏమి చేయాలో అందులో బాలినేని పాత్రఏమిటో ముఖ్య మంత్రి చెప్పినట్లు తెలిసింది.