బస్సులో యాత్ర.. జిల్లాల్లోనే జగన్ బస

ఎన్నికల నగారా మోగినప్పటి నుంచి ఆంధ్రలో ఎన్నికల ప్రచార రథాలు జోరందుకున్నాయి. అన్ని పార్టీలు ప్రచారంలో తమదైన మార్క్‌ చూపుతూ దూసుకుపోతున్నాయి. ఇందులో భాగంగానే వైఎస్‌ఆర్‌సీపీ ఇప్పటికే అభ్యర్థులను ప్రకటించి రాష్ట్రంలో ప్రచార హోరు రేకెత్తిస్తున్నారు. ఇప్పటికే సిద్ధం సభలతో ప్రజలందరి దృష్టిని ఆకర్షించిన సీఎం జగన్ తాజాగా బస్సు యాత్రతో ప్రజల్లోకి వెళ్లడానికి సన్నద్ధం అవుతున్నారు.

ఈ నెల 27 నుంచి వైసీపీ బస్సు యాత్ర ప్రారంభం కానుంది. దివంగత సీఎం వైఎస్‌ఆర్‌కు నివాళులు అర్పించి ఈ యాత్రను సీఎం జగన్ ప్రారంభిస్తారని పార్టీ వర్గాలు తెలుపుతున్నాయి. ఈ యాత్రకు ‘మేమంతా సిద్ధం’ పేరును ఖరారు చేసినట్లు పార్టీ ప్రధాన కార్యదర్శి, ప్రభుత్వ సలహాదారు సజ్జల రామకృష్ణారెడ్డి కూడా ప్రకటించారు.