’వర్క్ ఫ్రం హోమ్ కి అవకాశం ఇవ్వండి‘ సోషల్ మీడియాలో డిమాండ్లు

బెంగళూర్ లో దాదాపు 13.6 మిలియన్ల జనాభా ఉంది. వీరికి రోజూ వారి అవసరాల కోసం నగరానికి 2,600 MLD నీరు అవసరం. అయితే ప్రస్తుతం రోజుకు 500 మిలియన్ లీటర్ల నీటి కొరతను ఎదుర్కొంటోంది.

బెంగళూరులో నీటి సమస్య పరిష్కారమయ్యే వరకు ఐటీ, ఇతర రంగాల ఉద్యోగులకు వర్క్ ఫ్రమ్ హోమ్ ఆప్షన్ ఇవ్వాలని ఇటీవల సోషల్ మీడియాలో డిమాండ్ వచ్చింది. బెంగళూరులోని ఐటీ రంగంలో దాదాపు 15 లక్షల మంది ఉద్యోగులు ఉన్నారు.

బెంగళూరు ప్రజా వనరులపై ఒత్తిడిని తగ్గించేందుకు ఐటీ రంగ ఉద్యోగులు కనీసం ఒక సంవత్సరం పాటు ఇంటి నుంచి పని చేసేందుకు అనుమతించాలని చాలా మంది సోషల్ మీడియా వినియోగదారులు అభిప్రాయపడ్డారు.

ఇంటి నుంచి చేయడానికి బెంగళూరులోని చాలా కంపెనీలు ఇప్పటికే అమలు చేస్తున్నాయి. 70 శాతం వర్క్ ఫ్రమ్ హోమ్ ఆప్షన్‌ను అందిస్తున్నాయి. కొంతమంది యాజమాన్యాలు ఉద్యోగులు ప్రతి వారం సోమ, మంగళవారాల్లో మాత్రమే కార్యాలయానికి రిపోర్టు చేయాలని తప్పనిసరి చేశారు. మరికొందరు తమ ఉద్యోగులు వారానికి ఒకరోజు కార్యాలయానికి హాజరు కావాలని చెప్పారు.

ఇదే విషయంపై ఐటీ ఉద్యోగి సునీల్ షానవాడ మాట్లాడుతూ.. నేడు ఒక్కో కంపెనీ ఒక్కో రూల్‌ను అవలంబిస్తోందని అన్నారు. పోస్ట్-కోవిడ్, వర్క్-ఫ్రమ్-హోమ్ ఎంపిక నేడు చాలా కంపెనీలలో అందుబాటులో ఉందని చెప్పారు. అయినప్పటికీ, నెట్‌వర్క్ సమస్యలు ఉంటే వర్క్ ఫ్రమ్ హోమ్ రద్దు చేస్తున్నారు. ఎందుకంటే ఇది ఉత్పత్తిని (పని) ప్రభావితం చేస్తుంది. మరికొందరు ఉద్యోగులు తమ యజమానులు ఇచ్చిన ఈ సౌకర్యాన్ని దుర్వినియోగం చేస్తున్నారని భావించారు.

ఉద్యోగులకు వర్క్ ఫ్రమ్ హోమ్ ఆప్షన్స్ ఇచ్చే విషయంలో వివక్ష ఉందని కొందరు ఉద్యోగులు చెబుతున్నారు. పేరు చెప్పడానికి ఇష్టపడని ఒక ఉద్యోగి మాట్లాడుతూ, “బెంగళూరులో నీటి సమస్య లేదా మరేదైనా సమస్యలు ఉన్నా, ఐటీ కంపెనీల్లోని ఉన్నతాధికారులు తమ సౌకర్యాన్ని బట్టి సెలవులు లేదా వర్క్ ఫ్రమ్ హోమ్ సదుపాయాన్ని తీసుకుంటారు. కానీ దిగువ స్థానాల్లో ఉన్న వారికి వర్క్ ఫ్రమ్ హోమ్ వంటివి ఇవ్వట్లేదు."

అంతేకాకుండా, బెంగళూరు వంటి ఖరీదైన నగరంలో, నలుగురు లేదా ఐదుగురు అబ్బాయిలు లేదా అమ్మాయిలు ఒక గదిని పంచుకుంటూ పీజీ వసతి గృహాలలో నివసిస్తున్నారు. వారు సాధారణంగా ఐటి సంస్థల్లో తక్కువ స్థాయి ఉద్యోగాలలో పనిచేస్తున్నారు, అయితే ఎక్కువ ఉత్పత్తి వారిపై ఆధారపడి ఉంటుంది కాబట్టి, వారికి వర్క్-ఫ్రమ్-హోమ్ వంటి సౌకర్యాలు ఇవ్వట్లేదని సదరు ఉద్యోగి చెబుతున్న మాట.