తమిళనాడులో హిందీకి స్థానం లేదు: స్టాలిన్

భాషా అమరవీరుల దినోత్సవం సందర్భంగా నివాళులు అర్పిస్తూ ‘‘తన భాషను తన ప్రాణంలా ప్రేమించే రాష్ట్రం, హిందీని విధించడాన్ని ఐక్యంగా వ్యతిరేకించింది. ప్రతిసారి హిందీ తీసుకురావడానికి ప్రయత్నించినప్పుడూ ఇదే తీవ్రతతో నిరసన తెలిపింది’’ అని ఆయన అన్నారు.

‘‘బాష అమరవీరుల దినోత్సవం అప్పటికి, ఇప్పుడు ఎప్పటికీ తమిళనాడులో హిందీకి చోటు లేదు’’ అని ద్రవిడ పార్టీ చీఫ్ సోషల్ మీడియా పోస్ట్ పేర్కొన్నారు.

1965 లో తారా స్థాయికి చేరుకున్న తరువాత వ్యతిరేక ఆందోళనకు సంబంధించిన చరిత్ర సంక్షిప్త వీడియోను ఆయన పంచుకున్నారు. అందులో అమరవీరుల ప్రస్తావనలు ఉన్నాయి.

అలాగే భాషా సమస్యలో దివంగత డీఎంకే ప్రముఖులు సీఎన్ అన్నాదురై, ఎం కరుణానిధి చేసిన కృషిని కూడా ప్రస్తావించారు. హిందీ వ్యతిరేక ఆందోళనకు నాయకత్వం వహించడం ద్వారా తమిళనాడులోని వివిధ భాషా జాతీయ జాతుల హక్కు, గుర్తింపును కాపాడిందని స్టాలిన్ అన్నారు.

‘‘తమిళ కోసం తమ విలువైన ప్రాణాలను అర్పించిన అమరవీరులకు నా కృతజ్ఞతాపూర్వక నివాళులు అర్పిస్తున్నాను. భాషా యుద్ధంలో ఇక ఏ ప్రాణము పోదు. తమిళం పట్ల మన ప్రేమ ఎప్పటికి చావదు.

హిందీ విధించడాన్ని మనం ఎప్పటికీ వ్యతిరేకిస్తాం’’ అని ముఖ్యమంత్రి అన్నారు. 1964- 65 లో తమిళనాడు అంతటా జరిగిన హిందీ వ్యతిరేక ఆందోళనలో తమ ప్రాణాలను త్యాగం చేసిన వారిని ముఖ్యంగా ఆత్మాహుతి ద్వారా త్యాగం చేసిన వారిని భాషా అమరవీరులు అంటారు.

ఈ రోజు వరకూ దక్షిణాది రాష్ట్రం తమిళం, ఇంగ్లీష్ అనే ద్విభాషా సూత్రాన్ని అనుసరిస్తోంది. అయినప్పటికీ డీఎంకే కేంద్రం, ఎన్ఈపీ 2020 ద్వారా హిందీ విధించబడుతుందని ఆరోపిస్తుంది.