నన్ను క్షమించండి.. నా వ్యాఖ్యలు వెనక్కి తీసుకుంటున్నా: కేంద్రమంత్రి

“నేను మాట్లాడిన మాటలు బాధ కలిగించి ఉంటే క్షమించండని నా తమిళ సోదరులు & సోదరీమణులను వేడుకుంటున్నాను. రామేశ్వరం బాంబు దాడులకు పాల్పడిన వాళ్లకి కృష్ణగిరి అడవుల్లో శిక్షణ పొందినట్లు తెలిసన తరువాత నేను ఈ వ్యాఖ్యలు చేశాను. నేను కావాలని నిందలు వేయలేదు. నా మాటలు వెలుగులు తీసుకురావాలనే అనుకున్నాను కానీ, చీకట్లు అలముకోవడానికి కాదని మరోసారి మనవి చేస్తున్నాను” అని రెండు ట్వీట్లు చేశారు.

To my Tamil brothers & sisters,
I wish to clarify that my words were meant to shine light, not cast shadows. Yet I see that my remarks brought pain to some - and for that, I apologize. My remarks were solely directed towards those trained in the Krishnagiri forest,
1/2

— Shobha Karandlaje (Modi Ka Parivar) (@ShobhaBJP) March 19, 2024

అయితే, ఈ ట్విట్ల కంటే ముందు, ఆమె మూడు X పోస్ట్‌లలో "హిందువులను, బిజెపి కార్యకర్తలను లక్ష్యంగా చేసుకున్న రాడికల్ ఎలిమెంట్స్‌ను ప్రోత్సహించినందుకు" స్టాలిన్‌ మీద విమర్శలు గుప్పించింది.

"శ్రీ. స్టాలిన్, మీ పాలనలో తమిళనాడు ఎలా ఉంది? మీ బుజ్జగింపు రాజకీయాల వల్ల హిందువులు & BJP కార్యకర్తలపై పగలు రాత్రి నిరంతరం దాడులు జరుగుతున్నాయి. దాడులకు పాల్పడే రాడికల్ ఎలిమెంట్లను మీరే ప్రోత్సహిస్తున్నారు. మీరు ఇలాగే కళ్లు మూసుకుని కూర్చుంటే ఐసిస్ వంటి ఉగ్రవాద లక్షణాలు కలిగిన సంస్థలు ఇలాగే విధ్వంసాలు సృష్టిస్తాయి” అని ఆరోపించారు.

రెండో పోస్ట్‌లో, "FYI, రామేశ్వరం బాంబర్ మీ ఆధీనంలో ఉన్న కృష్ణగిరి అడవులలో శిక్షణ పొందారు " అని బెంగళూరులోని రామేశ్వరం కేఫ్‌లో జరిగిన పేలుడు ఘటనను ఆమె ప్రస్తావించారు.

Mr. Stalin,
What has become of Tamil Nadu under your rule? Your appeasement politics have emboldened radical elements to attack on Hindus & BJP workers day and night.
Frequent Bomb blasts bearing the hallmarks of terror outfits like ISIS explode while you turn a blind eye.
1/3

— Shobha Karandlaje (Modi Ka Parivar) (@ShobhaBJP) March 19, 2024

“తమిళులు, కన్నడిగుల మధ్య ఉన్న సామసర్య సంబంధాలకు వందల ఏళ్ల చరిత్ర ఉంది. వారు రాష్ట్రానికి విపరీతమైన సహకారం అందించారు. మేము సన్నిహిత సాంస్కృతిక బంధాలను కలిగి ఉన్నాము. చరిత్రను పంచుకున్నాము, ”అని సిరీస్‌లో ఆమె మూడవ పోస్ట్ లో వివరించారు.

Strongly condemn Union BJP Minister @ShobhaBJP's reckless statement. One must either be an NIA official or closely linked to the #RameshwaramCafeBlast to make such claims. Clearly, she lacks the authority for such assertions. Tamilians and Kannadigas alike will reject this… https://t.co/wIgk4oK3dh

— M.K.Stalin (@mkstalin) March 19, 2024

అంతకుముందు తమిళనాడు ముఖ్యమంత్రి కేంద్రమంత్రి శోభ వ్యాఖ్యలపై ఆగ్రహం వ్యక్తం చేశారు. రామేశ్వరం బాంబు బ్లాస్ట్ విషయాలు చెబుతున్నారంటే మీరు ఎన్ఐఏ అధికారి అయిన కావాలి లేదా బాంబు పేలుళ్లకు పాల్పడిన నిందితులు మీకు తెలిసన వారైన ఉండాలని ట్వీట్ చేశారు. అంతే కాకుండా విద్వేష ప్రసంగాలు చేస్తున్న వారిపై చర్య తీసుకోవాలని ఎన్నికల సంఘం, ప్రధాని నరేంద్ర మోదీని కోరారు.

మార్చి 13న కర్ణాటకలోని బళ్లారిలో రామేశ్వరం కేఫ్‌లో పేలుడు ఘటనకు సంబంధించి షబ్బీర్ అనే వ్యక్తిని జాతీయ దర్యాప్తు సంస్థ (ఎన్‌ఐఏ) అరెస్టు చేసింది. మార్చి 1న రామేశ్వరం కేఫ్‌లో పేలుడు జరగగా, సీసీటీవీ ఫుటేజీలో ఉన్న నిందితుడిని గుర్తించడానికి ఫొటోలను ఎన్ఐఏ విడుదల చేసింది. పేలుడు జరపడానికి టైమర్‌తో కూడిన IED పరికరాన్ని ఉపయోగించినట్లు దర్యాప్తు సంస్థ గుర్తించింది.