మైనింగ్ వివాదంలో చేతులు కలిపిన కన్నడ ముఖ్యమంత్రులు

అనేక సంవత్సరాలుగా వివాదాస్పదంగా ఉన్న సజ్జన్ జిందాల్ నేతృత్వంలోని JSW స్టీల్ లిమిటెడ్‌కు అనుకూలంగా బళ్లారి జిల్లాలో 3,666 ఎకరాలను కేటాయించింది. ఇది రాజకీయంగా మరోసారి దుమారం చెలరేగించే అంశమే. అయితే సేల్ డీడ్‌ను చట్టబద్ధతతో అమలు చేశామని రాష్ట్రంలోని కాంగ్రెస్ ప్రభుత్వం ఈ చర్యను సమర్థించుకుంటోంది.

ప్రస్తుత ముఖ్యమంత్రి మాత్రమే కాదు. గత 10 సంవత్సరాలుగా రాష్ట్రంలో అధికారంలో ఉన్న ఏ ప్రభుత్వాలు అయిన చవక ధరలకు ఖనిజ వనరులు భూములన కార్పొరేట్ సంస్థలకు విక్రయించినట్లు ఆరోపణలు ఎదుర్కొన్నాయి.

ముగ్గురు ముఖ్యమంత్రులు - బిఎస్ యడియూరప్ప, సిద్ధరామయ్య, హెచ్‌డి కుమారస్వామి లు తమ హయాంలో ఖనిజాలు అధికంగా ఉన్న భూములను విక్రయించాలని ప్రయత్నించారు.

బళ్లారి జిల్లాలో 3,667 ఎకరాల భూమిని జేఎస్‌డబ్ల్యూ స్టీల్‌కు విక్రయించాలని నిర్ణయించిన సిద్ధరామయ్య ప్రభుత్వం ఇంటా బయట తీవ్రంగా విమర్శలు ఎదుర్కొంటుంది. ప్రభుత్వ వర్గాల సమాచారం ప్రకారం, ప్రతిపక్ష పార్టీలతో పాటు, అతని స్వంత మంత్రివర్గం సహచరులు భూమి అమ్మకాన్ని వ్యతిరేకిస్తున్నారు.

"ఐదుగురు రాష్ట్ర మంత్రులు" కేబినెట్ నిర్ణయాన్ని వ్యతిరేకిస్తున్నారని కాంగ్రెస్ వర్గాలు ది ఫెడరల్‌కి తెలిపాయి. వీరిలో కర్ణాటక న్యాయ, పార్లమెంటరీ వ్యవహారాల మంత్రి హెచ్‌కె పాటిల్, అటవీ శాఖ మంత్రి ఈశ్వర్ ఖండ్రే, సాంఘిక సంక్షేమ శాఖ మంత్రి హెచ్‌సి మహదేవప్ప వంటి నాయకులు ఉన్నారు.

"మధ్యతరహా, భారీ పరిశ్రమల మంత్రి MB పాటిల్ క్యాబినెట్‌లో ప్రతిపాదించిన ప్రతిపాదనకు ఇంధన శాఖ మంత్రి KJ జార్జ్ మరికొందరు మద్దతు ఇచ్చారు" అని కొన్ని వర్గాలు తెలిపాయి.

గత వారం, సీనియర్ బిజెపి నాయకుడు అరవింద్ బెల్లాడ్ మీడియాను ఉద్దేశించి మాట్లాడుతూ, కాంగ్రెస్ ప్రభుత్వం భూమిని JSW స్టీల్స్‌కు అత్యంత చవక ధరకు విక్రయించిందని ఆరోపించారు. ఇది పెద్ద కుంభకోణం తప్ప మరొకటి కాదని ఆయన ఆరోపించారు.

సేల్ డీడ్‌ను అమలు చేయాలనే రాష్ట్ర ప్రభుత్వం నిర్ణయం రెండు ప్రశ్నలను లేవనెత్తింది. ఒకటి, కర్ణాటక జేఎస్‌డబ్ల్యూ ల్యాండ్ డీల్ నిజంగా కుంభకోణమా లేక ప్రతిపక్షాలకు రాజకీయ టూల్ ? రెండు, ఒక నిర్దిష్ట కాలానికి భూమిని లీజుకు ఇవ్వకుండా, ఆ భూమిని విక్రయించడానికి ప్రభుత్వాలు ఎందుకు మొగ్గు చూపుతున్నాయి? విపక్షాలు ఇప్పుడు ఈ అంశాన్ని తమ రాజకీయ అస్త్రంగా మార్చుకుని విమర్శలు గుప్పిస్తున్నాయి.

ఈ అమ్మకాన్ని ప్రతిపక్షం మాత్రమే కాదు. రాష్ట్ర ప్రభుత్వ తీరును కాపు సామాజికవర్గం కూడా వ్యతిరేకిస్తోంది. ప్రభుత్వం చాలా తక్కువ ధరకు భూమిని అమ్ముతోందని కర్ణాటక రాజ్య రైతు సంఘం బడగలపుర నాగేంద్ర అధ్యక్షుడు బడగలపుర నాగేంద్ర ఆరోపించారు.

నిరుపేద రైతులు తమ భూముల నుంచి బలవంతంగా బయటకు నెట్టివేయబడుతున్నారని ఆందోళన వ్యక్తం చేశారు. “ఇలాంటి అమ్మకాలను వ్యతిరేకిస్తూ వచ్చిన కాంగ్రెస్ పార్టీ ఇప్పుడు ప్రభుత్వ భూమిని అమ్మేందుకు సిద్ధమైంది. అన్ని రాజకీయ పార్టీలు ఉక్కు కంపెనీకి తిరిగి మద్దతు ఇవ్వడానికి ఆసక్తి చూపుతున్నాయని ఇది నిరూపితమైంది, ” అని నాగేంద్ర ది ఫెడరల్‌తో అన్నారు.

ఇప్పుడు రాష్ట్ర ప్రభుత్వం అవినీతికి పాల్పడుతోందని ఆరోపిస్తున్న జేడీ(ఎస్) కూడా ఇదే ఆరోపణలను ఎదుర్కొంటుంది. ప్రస్తుతం కేంద్ర ఉక్కు మంత్రిగా ఉన్న మాజీ ముఖ్యమంత్రి కుమారస్వామి ఇటీవల బళ్లారి జిల్లాలోని దేవదారి అడవుల్లో ఇనుప ఖనిజం తవ్వడానికి కేంద్ర ప్రభుత్వ రంగ సంస్థ (సీపీఎస్‌యూ) అయిన KIOCL (గతంలో కుద్రేముఖ్ ఐరన్ ఓర్ కంపెనీ లిమిటెడ్)ను అనుమతించారు. ఈ నిర్ణయంపై పర్యావరణవేత్తల ఆగ్రహాన్ని ఎదుర్కొన్నారు.

అక్టోబరు 2007లో శ్రీ సాయి వెంకటేశ్వర మినరల్స్ కంపెనీ (ఎస్‌ఎస్‌విఎంసి)కి 550 ఎకరాల వ్యవసాయ భూమిని కేటాయించినందుకు అప్పటి సీఎంగా ఉన్న కుమారస్వామి తీవ్రంగా విమర్శలు ఎదుర్కొన్నారు. అది రిజిస్టర్డ్ కంపెనీ కాదు. ఈ డీల్‌పై విచారణ జరిపిన లోకాయుక్త 2010-11లో సమర్పించిన నివేదికలో కుమారస్వామి నిబంధనలను ఉల్లంఘించారని ఆరోపించింది.

ఈ కేసులో కుమారస్వామిని ప్రాసిక్యూట్ చేయడానికి ప్రస్తుత కర్ణాటక ప్రభుత్వం గవర్నర్ అనుమతిని కోరింది. ముడా స్కామ్ లో సిద్ధరామయ్య రాజీనామా చేయాలని కోరుతూ BJP-JD(S) ఇదే తరహ ఆరోపణలకు దిగింది.

మే 2008 నుంచి ఆగస్టు 2011 వరకు కర్ణాటకలో బిజెపి ప్రభుత్వానికి నాయకత్వం వహించిన యడ్యూరప్ప, అతని రాజకీయ జీవితాన్ని గణనీయంగా ప్రభావితం చేసిన భారీ అవినీతి ఆరోపణలను ఎదుర్కొన్నారు.

2012లో, క్విడ్ ప్రోకో డీల్‌లో సౌత్ వెస్ట్ మైనింగ్ కంపెనీ లిమిటెడ్ (SWMCL) నుంచి ₹20-కోట్ల కిక్‌బ్యాక్ పొందేందుకు తన కార్యాలయాన్ని దుర్వినియోగం చేశారని లోకాయుక్త, సుప్రీంకోర్టు నియమించిన సెంట్రల్ ఎంపవర్డ్ కమిటీ (CEC) నిర్ధారించాయి. సెంట్రల్ బ్యూరో ఆఫ్ ఇన్వెస్టిగేషన్ (సిబిఐ) యడ్యూరప్పతో పాటు ఇతరులపై నేరపూరిత కుట్ర, ఫోర్జరీ, అవినీతి అభియోగాలు మోపింది. SWMCLతో పాటు, జిందాల్ స్టీల్ వర్క్స్, మైసూర్ మినరల్స్ లిమిటెడ్ కూడా CBI విచారణ పరిధిలోకి వచ్చాయి.

JSW స్టీల్స్‌తో భూమిని బదిలీ చేసే ఒప్పందం వాస్తవానికి 1996 లో హెచ్ డీ దేవేగౌడ్ ప్రభుత్వ హయాంలో జరిగింది. 2006లో JD(S)-BJP సంకీర్ణ ప్రభుత్వం ఒప్పందాన్ని ఆమోదించి కొత్త జీవో వచ్చింది.

అప్పటి ఉప ముఖ్యమంత్రి, రాష్ట్ర పరిశ్రమల శాఖ మంత్రిగా ఉన్న యడ్యూరప్ప ఈ ఒప్పందంపై సంతకం చేశారు. బళ్లారిలోని రెండు గ్రామాల్లో 2 వేల ఎకరాలను ఆరేళ్లపాటు లీజుకు ఇవ్వాలని ఇందులో ఉన్న ప్రాథమిక ప్రతిపాదన.

2007లో మరో మూడు గ్రామాల్లోని 1,666 ఎకరాల భూమిని 10 ఏళ్ల లీజు కాలానికి డీల్‌ కిందకు తీసుకొచ్చారు. ఒప్పందం ప్రకారం, ప్రభుత్వం 10 సంవత్సరాల తర్వాత భూమిని కంపెనీకి విక్రయించాలి.

అక్రమ మైనింగ్‌పై 2011 లోకాయుక్త నివేదికలో జేఎస్‌డబ్ల్యూ స్టీల్ పేరు బయటకు రావడంతో 2012లో భూమి విక్రయాన్ని నిలిపివేశారు. 2013లో కర్ణాటకలో కాంగ్రెస్ అధికారంలోకి వచ్చిన తర్వాత అక్రమ మైనింగ్‌ను అరికట్టేందుకు లోకాయుక్త సిఫార్సును అమలు చేసేందుకు హెచ్‌కే పాటిల్‌ ఆధ్వర్యంలో సబ్‌ కమిటీని ఏర్పాటు చేశారు. 2014లో కమిటీ సలహా మేరకు న్యాయపరమైన అభిప్రాయాన్ని పెండింగ్‌లో ఉంచి భూముల విక్రయాన్ని నిలిపివేశారు. అయితే జేఎస్‌డబ్ల్యూ స్టీల్‌పై వచ్చిన ఆరోపణలను కర్ణాటక హైకోర్టు కొట్టివేసింది.

కుమారస్వామి నేతృత్వంలోని జెడి (ఎస్)-కాంగ్రెస్ ప్రభుత్వం భూమిని విక్రయించడానికి, 2006 ఒప్పందాన్ని అమలు చేయాలని నిర్ణయించుకుంది. వీరి సంకీర్ణ ప్రభుత్వం 2019 లో అధికారంలో ఉన్నప్పుడు ఈ నిర్ణయం తీసుకున్నారు. అప్పుడు కూడా "బిజెపి... కాంగ్రెస్‌కు చెందిన హెచ్‌కె పాటిల్ ఇద్దరూ ప్రభుత్వ చర్యను వ్యతిరేకించారు" కొన్ని సోర్స్ లు ఈవిషయాన్ని ఫెడరల్ కు చెప్పాయి.

ఈ ప్రతిపాదన వివాదానికి దారితీసినప్పటికీ సిద్ధరామయ్య ప్రభుత్వం మాత్రం ముందుకు వెళ్లాలని నిర్ణయించుకుంది. ఎంబీ పాటిల్ ప్రకారం ఇది చట్టబద్ధత. 2006- 2007లో సంతకం చేసిన లీజు-కమ్-సేల్ డీడ్‌ను అమలు చేసేలా రాష్ట్ర ప్రభుత్వాన్ని ఆదేశించాలని కోరుతూ JSW స్టీల్ కోర్టును ఆశ్రయించడంతో క్యాబినెట్ ఈ నిర్ణయం తీసుకుందని ఆయన చెప్పారు.

న్యాయ శాఖ అభిప్రాయం తీసుకున్న తర్వాతే ప్రభుత్వం భూ చట్టానికి లోబడి వ్యవహరిస్తోందని ఎంబీ పాటిల్ మాట. లీగల్ డిపార్ట్‌మెంట్ తన నివేదికలో "కంపెనీ, భూ కేటాయింపులకు అనుగుణంగా, ఇంటిగ్రేటెడ్ స్టీల్ ప్లాంట్‌ను ఏర్పాటు చేయడానికి అదే ఉపయోగించిందని, లీజు-కమ్ అగ్రిమెంట్ నిబంధనలను ఉల్లంఘించలేదని" పేర్కొంది.

ఇంతకుముందు విక్రయ ఒప్పందాన్ని వ్యతిరేకించిన హెచ్‌కే పాటిల్ ఇప్పుడు ప్రభుత్వ నిర్ణయాన్ని సమర్థించుకోవాల్సిన పరిస్థితి ఏర్పడింది. "సేల్ డీడ్‌ను అమలు చేయడానికి ప్రభుత్వానికి చట్టబద్ధమైన ఒత్తిడి ఉంది, ఎందుకంటే మాండమస్ (ఒక రాష్ట్ర లేదా స్థానిక ఏజెన్సీని పబ్లిక్ రికార్డ్‌ను సరిచేయడానికి ఆదేశించడానికి ఉపయోగించే న్యాయపరమైన పరిహారం) మేము సేల్ డీడ్‌ను అమలు చేయాలని నిర్ణయించుకున్నాము" అని ఆయన మీడియాకు చెప్పారు.

అయితే, ల్యాండ్ డీల్‌ పెద్ద సమస్యగా అభివృద్ధి చెందుతుందని సీనియర్ కాంగ్రెస్ నాయకుడు గమనించారు. “దేవెగౌడ, కుమారస్వామి, యడ్యూరప్ప సహా ముఖ్యమంత్రులందరూ మైనింగ్ కోసం 28 ఏళ్ల భూ ఒప్పందంలో పాలుపంచుకున్నందున, ఒప్పందాన్ని ముగించడంలో ప్రతిపక్ష పార్టీలకు లేదా అధికార ప్రభుత్వానికి ఎటువంటి సమస్య లేదు. ” అని నాయకుడు అన్నాడు.

ఇప్పటికే ఫైర్ లైన్ లో ఉన్న సిద్ధరామయ్యకు సవాల్ విసిరే అవకాశాన్ని బీజేపీ, జేడీ(ఎస్) ఇంకా ఉపయోగించుకోవాలని భావిస్తున్నట్లు తెలుస్తోంది.