కర్ణాటక సీఎం మార్పుపై స్పందించిన ఖర్గే

కర్ణాటక లో ముఖ్యమంత్రి మార్పు గురించి ఊహాగానాలు చెలరేగుతుండటంతో కాంగ్రెస్ అధ్యక్షుడు మల్లికార్జున్ ఖర్గే ఆదివారం స్పందించారు. ఈ అంశంపై పార్టీ హైకమాండ్ నిర్ణయం తీసుకుంటుందని స్పష్టం చేశారు.

తాను చెప్పడానికి ఏమీ లేదన్నారు. కర్ణాటక ముఖ్యమంత్రి సిద్ధరామయ్యను బెంగళూర్ లో కలిసిన ఒకరోజు తరువాత ఈ ప్రకటన వెలువడింది. ఆదివారం వీరిద్దరి మధ్య సమావేశం ఒక గంటకు పైగా కొనసాగింది.

‘‘జరిగిన పరిణామాల గురించి నేను ఏమి చెప్పలేను. కాబట్టి మీరు(మీడియా) ఇక్కడ నిలబడి సమయాన్ని వృథా చేసుకోవద్దు. నేను చాలా బాధపడుతున్నాను. ఏదైనా నిర్ణయం హై కమాండ్ దాన్ని నిర్ణయిస్తుంది. మీరు దాని గురించి ఆందోళన చెందాల్సిన అవసరం లేదు’’ అని ఖర్గే తన నివాసం వెలుపల ఉన్న విలేకరులను ఉద్దేశించి వ్యాఖ్యానించారు.