ఈ తమిళ దివంగత నేతపై ప్రధాని మోదీ పొగడ్తల వర్షం.. ఎవరా నేత?
తమిళనాడు దివంగత ముఖ్యమంత్రి కరుణానిధి పై ప్రధాని మోదీ పొగడ్తల వర్షం కురిపించాడు. ఆయన దేశ రాజకీయాలపై చెరగని ముద్ర వేశారని అన్నారు. కరుణానిధి వందో జన్మదిన..
దివంగత డీఎంకే అధ్యక్షుడు, తమిళనాడు మాజీ ముఖ్యమంత్రి కరుణానిధి భారత రాజకీయాలు, సాహిత్యంతో సమాజంలో చెరగని ముద్ర వేశాడని ప్రధాని నరేంద్ర మోదీ కొనియాడారు. తమిళ భాష, సంస్కృతిని పెంపొందించేందుకు దివంగత నేత చేసిన కృషిని ప్రజలు ఇప్పటికీ గుర్తుంచుకుంటున్నారని కరుణానిధి కుమారుడు, తమిళనాడు ముఖ్యమంత్రి ఎంకే స్టాలిన్‌కు ప్రధాని మోదీ సందేశం పంపారు.
కరుణానిధి శత జయంతి సందర్భంగా ఆదివారం రక్షణ మంత్రి రాజ్‌నాథ్ సింగ్ స్మారక నాణేన్ని విడుదల చేసినందుకు మోదీ పంపిన సందేశాన్ని స్టాలిన్ తన ఎక్స్ హ్యాండిల్‌లో పోస్ట్ చేశారు.
మోదీకి, సీఎం ధన్యవాదాలు
"ముత్తమిజ్ అరిగ్నర్ కలైంజ్ఞర్ శత జయంతి స్మారక నాణేల విడుదల వేడుక గ్రాండ్‌గా విజయవంతం కావడానికి సహకరించినందుకు, గౌరవప్రదమైన ప్రధాన మంత్రి తిరు(శ్రీ). @narendramodi avl. గారికి హృదయపూర్వక ధన్యవాదాలు" అని స్టాలిన్ అన్నారు.
కరుణానిధి భారతీయ రాజకీయాలు, సాహిత్యం, సమాజంలో మహోన్నతమైన వ్యక్తి అని ప్రధాని తన సందేశంలో పేర్కొన్నారు. "ఆయన ఎప్పుడూ తమిళనాడు అభివృద్ధి పట్ల, అలాగే దేశ ప్రగతి పట్ల మక్కువ చూపేవారు." "ఒక రాజకీయ నాయకుడిగా, సమాజం, విధానాలు, రాజకీయాలపై తనకున్న లోతైన అవగాహనను ఎత్తిచూపుతూ దశాబ్దాల కాలంలో ప్రజలచే అనేకసార్లు ఎన్నుకోబడిన ముఖ్యమంత్రిగా తిరు కళైంజ్ఞర్ కరుణానిధి జీ మన దేశ చరిత్రలో చెరగని ముద్ర వేశారు" అని ప్రధాన మంత్రి అన్నారు.
డిఎంకె ప్రముఖుడు "ఫలవంతమైన కలం"తో బహుముఖ ప్రజ్ఞాశాలి. ఈ నాణెం విడుదల కరుణానిధి జ్ఞాపకార్థం, అలాగే ఆయన నిలబెట్టిన ఆదర్శాలను గౌరవిస్తుంది. ఇది అతని వారసత్వం, అతను చేసిన పని శాశ్వత ప్రభావాన్ని గుర్తు చేస్తుందని మోదీ చెప్పారు.
"2047 నాటికి అభివృద్ధి చెందిన భారతదేశాన్ని నిర్మించే దిశగా మనం ఆత్మవిశ్వాసంతో ముందుకు సాగుతున్నప్పుడు, తిరు కళైంజ్ఞర్ కరుణానిధి జీ వంటి నాయకుల దార్శనికత, ఆలోచనలు దేశ ప్రయాణాన్ని తీర్చిదిద్దుతూనే ఉంటాయి" అని మోదీ అన్నారు. నాణేల విడుదల కార్యక్రమం "భారీ విజయం" కావాలని ఆకాంక్షించారు.
Next Story
