‘బెంగళూర్ పేలుళ్లు తమిళుల పనే’ అన్న వ్యాఖ్యలపై మండిపడ్డ స్టాలిన్

సోషల్ మీడియాలో వైరల్ అవుతున్న ఒక వీడియోలో, మంత్రి మాట్లాడుతూ "తమిళనాడు నుంచి కొంతమంది శిక్షణ పొంది కర్నాటకు వస్తారు. తరువాత బాంబుల అమర్చి వెళ్లిపోతారు" అని రామేశ్వర కెఫే లో జరిగిన బాంబు దాడిని ఉటంకిస్తూ ఈ వ్యాఖ్యలు చేశారు. ఈ వ్యాఖ్యలపై తమిళనాడు ముఖ్యమంత్రి సామాజిక మాధ్యమం వేదికగా ఆగ్రహం వ్యక్తం చేశారు. బెంగళూర్ నార్త్ నుంచి బీజేపీ అభ్యర్థిగా బరిలోకి దిగిన శోభపై ఎన్నికల సంఘం, ప్రధాని మోదీ చర్యలు తీసుకోవాలని కోరారు.

Strongly condemn Union BJP Minister @ShobhaBJP's reckless statement. One must either be an NIA official or closely linked to the #RameshwaramCafeBlast to make such claims. Clearly, she lacks the authority for such assertions. Tamilians and Kannadigas alike will reject this… https://t.co/wIgk4oK3dh

— M.K.Stalin (@mkstalin) March 19, 2024

"ఇలాంటి వ్యాఖ్యలు చేయడానికి ఆమె NIA అధికారి అయి ఉండాలి లేదా #RameshwaramCafeBlast పాల్పడిన నిందితులతో సంబంధం వ్యక్తి అయినా ఉండాలి. బీజేపీ విభజన రాజకీయాలను తమిళులు, కన్నడిగులు ఒకేలా తిరస్కరిస్తారు. ఈ వ్యాఖ్యలు చేసి శాంతి,భద్రతలు, జాతీయ సమైక్యతకు భంగం చేసేందుకు పాల్పడిన కేంద్రమంత్రిపై చట్టపరమైన చర్యలు తీసుకోవాలని కోరుతున్నాను" అని ట్వీట్ చేశారు.

విద్వేషపూరిత ప్రసంగాన్ని గమనించి చర్యలు తీసుకోవాలని ఎన్నికల సంఘాన్ని ముఖ్యమంత్రి కోరారు.