పెట్రోల్ బంక్‌లో పేలుడు.. పరుగులు తీసిన ప్రజలు

హైదరాబాద్ రాజేంద్రనగర్ పోలీస్టేషన్ పరిధిలో భారీ పేలుడు సంభవించింది. అత్తాపూర్ పెట్రోల్ బంక్‌ను మంటలు కమ్మేశాయి. దీంతో ప్రజలంతా భయబ్రాంతులకు గురై పరుగులు పెట్టారు. పెట్రోల్ బంక్‌‌లో ఏదో వెల్డింగ్ వర్క్ జరుగుతుంది. ఈ క్రమంలోనే ఓ బండికి పెట్రోల్ కొడుతున్న సమయంలో ఓ నిప్పురవ్వ ఎగిరి పింది. అంతే ఒక్కసారిగా మంటలు పెట్రోల్ బంక్‌ను చుట్టుముట్టేశాయి. ఈ మేరకు సమాచారం అందిన వెంటనే అగ్నిమాపక సిబ్బంది ఘటనా స్థలానికి చేరుకుని మంటలను అదుపుచేశారు. ఈ ఘటనలో గాయాలపాలైన ఇద్దరు వ్యక్తులను ఆసుపత్రికి తరించారు . వారి పరిస్థితి విషమంగా ఉన్నట్లు సమాచారం. పేలుడు సంభవించడంతో చుట్టు ప్రక్కల ఉన్నవారు ఒక్కసారిగా భయాందోళనకు గురయ్యారు.

కాగా ఈ ఘటనపై అనేక అనుమనాాలు రేకెత్తుతున్నాయి. అసలు ఇది మానవ తప్పిదం, వారి నిర్లక్ష్యం వల్ల జరిగిందా? అన్న విషయంపై కూడా పోలీసులు ఫోకస్ పెట్టారు. ఈ ఘటనపై అన్ని కోణాల్లో దర్యాప్తు చేస్తున్నారు. పెట్రోల్ బంక్‌లో సేఫ్టీ ప్రమాణాలు పాటించకుండా వెల్డింగ్ ఎలా చేశారు? ఎలా చేయించారు? అన్న అంశాలపై విచారణ సాగిస్తున్నట్లు పోలీసులు తెలిపారు.