Kishan | ‘వ్యతిరేకతలో బీఆర్ఎస్ తల తన్నేలా కాంగ్రెస్ తయారైంది’

రాష్ట్రంలో గతంలో ఏ ప్రభుత్వం సాధించని ఘనత కాంగ్రెస్ సాధించిందని, అది అభివృద్ధిలో అయితే బాగుండేదంటూ కేంద్రమంత్రి, బీజేపీ రాష్ట్ర అధ్యక్షుడు కిషన్ రెడ్డి వ్యంగ్యాస్త్రాలు సంధించారు. కానీ కాంగ్రెస్ మాత్రం ప్రజావ్యతిరేకతను మూటగట్టుకోవడంలో చరిత్ర సృష్టించిందని విమర్శించారు. ఈ నేపథ్యంలో ఎమ్మెల్సీ ఎన్నికలపై కూడా కీలక వ్యాఖ్యలు చేశారు. గతంలో ఎమ్మెల్సీ ఎన్నికలంటే ప్రభుత్వం గడగడలాడేదని, కానీ ఇప్పుడు ఆ పరిస్థితి లేకపోవడం దురదృష్టకరమని అన్నారు కిషన్. అతి త్వరలో రాష్ట్రంలో మూడు ఎమ్మెల్సీ స్థానాలకు ఎన్నికలు జరగనున్నాయని, వాటికి బీజేపీ తన అభ్యర్థులను కూడా ఇప్పటికే ప్రకటించేసిందని చెప్పారు. గతంలో గెలిచిన కాంగ్రెస్ పార్టీ ఎమ్మెల్సీలంతా కూడా మూకుమ్మడిగా టీఆర్ఎస్ పంచనచేరారంటూ ఘాటు వ్యాఖ్యలు చేశారు. ఉపాధ్యాయులు, పట్టభద్రుల, రాష్ట్ర ప్రజలు గురించి మాట్లాడాల్సిన పరిస్థితి లేకుండా చేశారని ఆవేదన వ్యక్తం చేశారు.

‘‘మొక్కుబడిగా శాసన మండలి సమావేశం నిర్వహించారు. గతంలో ఎమ్మెల్సీ ఎన్నికలు అంటే ప్రభుత్వం భయపడేది. దురదృష్టవశాత్తు ఆ పరిస్థితి పోయింది. అధికార పార్టీకి సలాం కొట్టే పరిస్థితి వచ్చింది. రాష్ట్రంలోని అన్ని వర్గాల ప్రజల్లో కాంగ్రెస్‌పై వ్యతిరేకత ఉంది. బిఆర్ఎస్ పదేళ్ళలో మూటకట్టుకున్న వ్యతిరేకతను.. కాంగ్రెస్ ప్రభుత్వం ఏడాదిలో మూట కట్టుకుంది. జేఏసీ సంఘాలు అన్ని మద్దతు గా ఉన్నాయి. ఎన్నికల ప్రచారంలో ఉద్యోగాలను భర్తీ చేస్తామని ప్రకటన చేసింది. తేదీలతో సహా జాబ్ క్యాలెండర్ ఇచ్చింది. ఉద్యోగాల భర్తిలో కాంగ్రెస్ నిమ్మకు నిరెత్తినట్లుగా వ్యవహరిస్తుంది. కాంగ్రెస్ పార్టీ పూర్తిగా నిర్వీర్యం అయింది’’ అని అన్నారు.

‘‘పాలమూరు తెలంగాణ, మహాత్మాగాంధీ యూనివర్సిటీలను సుందరికరణ చేస్తామన్నారు. ఎన్నికల హామీలు ఇచ్చారు. కేంద్ర ప్రభుత్వం ఒక్కరోజు ఆలస్యం చేయకుండా పిఆర్సీ అమలు చేస్తోంది. 6 డీఎలు పెండింగులో ఉన్న పట్టించుకోవడం లేదు. పదవీ విరమణ పొందిన వారికి బెనిఫిట్స్ ఇవ్వలేని పరిస్థితి. సుమారు 8 వేల కోట్ల రూపాయలు విద్య సంస్థలకు ఫీజ్ రియంబర్స్‌మెంట్ ఇవ్వాల్సి ఉంది. ఎస్సీ, ఎస్టీ, బీసీ విద్యార్థులు స్కాలర్‌షిప్ కూడా ఇవ్వడం లేదు. వసతి గృహంలలో సౌకర్యాలు లేవూ, ఫుడ్ ఫాయిజం ఘటనలు పెరుగుటున్నాయి. ముఖ్యమంత్రి పెద్ద పెద్ద ప్రకటనలు చేస్తున్నారు కానీ చిన్న చిన్న పనులు కూడా చేయడం లేదు’’ అని విమర్శించారు.

‘‘రైతుల రుణమాఫీ అరాకొరగానే చేశారు. పూర్తిస్థాయిలో చేయలేదు. రుణమాఫీ, రైతు భరోసా, జీవో 317 ద్వారా 50 వేల మంది ఉద్యోగస్తులు ఆందోళన చెందుతున్నారు. ఎమ్మెల్సీ ఎన్నికల్లో బీజేపీ పార్టీ అభ్యర్థులను గెలిపించాలని కోరుతున్నాం. నల్గొండ ఎమ్మెల్సీ అభ్యర్థి పులి సరోత్తమ్ రెడ్డిని గెలిపించాలని కోరుతున్నాం. ఉపాధ్యాయ సమస్యలు పైన పోరాడాలని ఉద్దేశ్యంతో ఉన్నాం. మోదీ కులాన్ని 1994లో బీసీల్లో చేర్చారు. కాంగ్రెస్ సీఎం మొహతా ఉన్న సమయంలోనే మోదీ కులాన్ని బీసీల్లో చేర్చారు. సీఎం స్థానంలో ఉన్న వ్యక్తి మాట్లాడే మాటలు కావు ఇవి. రేవంత్ బాధ్యతారహితంగా మాట్లాడుతున్నారు. యాదవ్, గౌడ్ లు కూడా కన్వర్టర్ బీసీలేని రేవంత్ అంటారా? మాట్లాడితే వాస్తవాలు ఉండాలి. మండల్ కమిషన్‌ను కాంగ్రెస్ తొక్కిపెడితే బీజేపీ వచ్చాకే అమలు చేసింది. 60 ఏళ్లు అధికారంలో ఉన్న కాంగ్రెస్ కేంద్రంలో కులగణన ఎందుకు చేయలేదు. బీసీ సంఘాలే బీసీ కుల గణనలో అవకతవకలు జరిగాయని అంటున్నాయి’’ అని వివరించారు.