భయపడొద్దు.. ధైర్యంగా ఉండు, రోడ్డు ప్రమాద బాధితురాలికి బండి సంజయ్ భరోసా

కేంద్ర సహాయ మంత్రి, కరీంనగర్ ఎంపీ బండి సంజయ్ మరోసారి మానవత్వం చాటుకున్నారు. లారీ కింద పడి ప్రాణాలతో కొట్టుమిట్టాడుతున్న యువతిని కాపాడి ధైర్యం చెప్పడమే కాకుండా తల్లిని చూసి ఏడుస్తున్న పిల్లలను సముదాయించారు. వివరాల్లోకి వెళితే.. మానకొండూరు మండలం కల్లేడ గ్రామానికి చెందిన దివ్యశ్రీ , హుజురాబాద్ మండలం సింగాపురం గ్రామానికి వచ్చింది.

హైవే ను దాటే క్రమంలో వేగంగా వచ్చిన లారీని తప్పించుకోబోయే రోడ్డు కింద పడుకుంది. అయితే లారీ అదే వేగంతో వెళ్లే క్రమంలో దివ్యశ్రీ జుట్టు లారీ కింద ఉన్న రాడ్డుకు చిక్కుకుపోయింది. అయితే లారీ డ్రైవర్ అదే స్పీడు తో లారీని ముందుకు తీసుకెళ్లడంతో రోడ్డుపై ఈడ్చుకుంటూ వచ్చింది. అయితే లారీ కింద నుంచి అరుపులు వినిపించడంతో డ్రైవర్ లారీ ఆపి చూడగా కింద దివ్యశ్రీ చిక్కుకుని కనిపించింది. తల నుంచి రక్తం ధారలుగా కారుతుండటంతో ఎవరూ ముట్టుకోవడానికి సాహసించలేదు.