హైదరాబాద్ లో ఎలక్ట్రిక్ కారు దగ్దం

హైదరాబాద్ ఎన్టీఆర్‌ స్టేడియం వద్ద అగ్ని ప్రమాదం జరిగింది.. ఆదివారం అకస్మాత్తుగా మంటలు. చెలరేగి ఓ ఎలక్ట్రిక్‌ కారు పూర్తిగా దగ్దమైంది. పక్కనే మరో కారు ఉండటంతో అది పాక్షికంగా కాలిపోయింది. భారీగా పొగలు రావడాన్ని గమనించిన స్థానికులు అగ్నిమాపక సిబ్బందికి సమాచారం ఇచ్చారు. ఘటనాస్థలికి చేరుకున్న సిబ్బంది మంటలను అదుపులోకి తీసుకొచ్చారు. గాంధీనగర్‌, దోమలగూడ ట్రాఫిక్‌ పోలీసులు అక్కడికి చేరుకొని వాహనాల రాకపోకలను దారి మళ్లించారు. ఈ ఘటనలో ఎలాంటి ప్రాణనష్టం సంభవించలేదని, ప్రమాదానికి గల కారణాలపై దర్యాప్తు చేస్తున్నామని పోలీసులు తెలిపారు.