గురుకుల విద్యార్థుల మెనూలో చేపలు

చేప పిల్లల పెంపకంలో గత ప్రభుత్వం పొరపాట్లు చేసిందని, చేప పిల్లల సైజు చిన్నగా ఉండటంతో కొంత ఇబ్బందులొచ్చాయని ఆయన అన్నారు. హుస్నాబాద్ కు 3 లక్షల చేప పిల్లలు ఇచ్చామని, మరో 60 వేల చేప పిల్లలు తెప్పించాలని మంత్రి శ్రీహరికి వినతి చేశారు. గ్రామీణ ప్రాంతాల్లో పశు సంపద పెంపుకు గోపాల మిత్రలు విశేష కృషి చేసారని మంత్రి పొన్నం తెలిపారు. వారి సమస్య పరిష్కారానికి మంత్రి శ్రీహరి కృషి చేయాలని పొన్నం ప్రభాకర్ కోరారు.

హుస్నాబాద్ లో నిర్మించే వెటర్నరీ హస్పిటల్ నూతన భవనం అన్ని సౌకర్యాలతో నిర్మించాలని మంత్రి శ్రీహరిని పొన్నం కోరారు. అసంపూర్తిగా ఉన్న చేపల మార్కెట్ ను పూర్తి చేయాలని ఆయన మంత్రి వాకిటి శ్రీహరిని కోరారు. హుస్నాబాద్ లో వెటర్నరీ పోస్టు ను వెంటనే భర్తీ చేయాలని కోరారు. ఎల్లమ్మ చెరువును సందర్శించడానికి వచ్చే టూరిజం పర్యాటకులు అక్కడే చేపలు కొనుక్కోవడానికి చేపలమార్కెట్ ఉండాలని మంత్రి అభిప్రాయపడ్డారు. అక్కన్నపేట ఫోర్ లేన్ రోడ్డు కోసం 50 కోట్లు మంజూరయ్యాయని చెప్పారు.