ముఖ్యమంత్రి స్వంత ఇలాకాలో మాజీ మావోయిస్ట్ సర్పంచ్ గా ఏకగ్రీవం

ఉమ్మడి మహబూబ్‌నగర్‌లోని కల్వకుర్తి, గంగన్న, పాన్‌గల్‌దళంలో 2000 సంవత్సరం వరకు క్రియాశీలంగా పనిచేశారు. 1999లో నల్గొండ జిల్లా డిండి మండలం వాయిల్‌కోల్‌కు చెందిన మేనమామ కుమార్తె అరుణను వివాహం చేసుకున్నాడు. వారికి ఇద్దరు కుమారులు ఉన్నారు. 2001లో వెంకటయ్య కల్వకుర్తి పోలీసుల సమక్షంలో లొంగిపోయి జనజీవన స్రవంతిలో కలిశారు. ప్రభుత్వ పునరావాస కార్యక్రమాల్లో భాగంగా 2003లో హాంగార్డుగా ఎంపికయ్యారు. ఏ పోలీసుల సమక్షంలో లొంగిపోయారో ఆ పోలీసుల క్రిందే హోంగార్డుగా పని చేశారు.

రేవంత్ రెడ్డి కుటుంబానికి సన్నిహితుడు

సీఎం రేవంత్‌రెడ్డి కుటుంబానికి వెంకటయ్య అత్యంత సన్నిహితుడని కాంగ్రెస్ పార్టీ వర్గాలు చెబుతున్నాయి. కొండారెడ్డిపల్లి సర్పంచి స్థానం ఎస్సీకి రిజర్వుడు కావడంతో ఆయన హోంగార్డు ఉద్యోగానికి రాజీనామా చేశారు. శనివారం ర్యాలీ వెళ్లి సర్పంచిగా నామినేషన్‌ దాఖలు చేశారు. దీంతో ఆయన ఎన్నిక ఏకగ్రీవమైంది.

ఈ సందర్బంగా ఏర్పాటు చేసిన కార్యక్రమంలో వెంకటయ్య మాట్లాడుతూ గ్రామాభివృద్దికి పూర్తిగా సహకరిస్తానన్నారు. తెలంగాణలోనే ఆదర్శ గ్రామంగా తీర్చిదిద్దుతానని హామీ ఇచ్చారు. ముఖ్యమంత్రి రేవంత్ రెడ్డి, వ్యవసాయ కమిషన్ సభ్యుడు కేవీఎన్ రెడ్డిలకు రుణపడి ఉంటానని వెంకటయ్య అన్నారు.

కొండా రెడ్డి పల్లి గ్రామంలో మొత్తం 10 గ్రామాలు ఉండగా ఒక్కరే నామినేషన్ వేయడంతో సర్పంచ్ ఎన్నిక ఏక గ్రీవమైంది.