పట్టాలు తప్పిన గూడ్స్,మూడు రైల్వే లైన్లు ధ్వంసం..31 రైళ్లు రద్దు

ఐరన్ లోడుతో వెళుతున్న గూడ్స్ రైలు పెద్దపల్లి జిల్లా రాఘవాపూర్ వద్ద మంగళవారం రాత్రి పట్టాలు తప్పింది. దీనివల్ల 11 బోగీలు పట్టాలు తప్పాయి. పట్టాలు, విద్యుత్ లైన్లు దెబ్బతినడంతో రైల్వే అధికారులు హుటాహుటిన సంఘటన స్థలానికి వచ్చి దెబ్బతిన్న రైల్వే ట్రాక్ మరమ్మతు పనులు చేపట్టారు.

- రైలు పట్టాల మరమ్మతులకు మరో 24 గంటల సమయం పడుతుందని దక్షిణ మధ్య రైల్వే అధికారులు చెప్పారు. దీని వల్ల కాజీపేట-బల్లార్షా మార్గంలో పలు రైళ్లను ఎక్కడికక్కడే నిలిపివేశారు.

- 500 మంది రైల్వే కార్మికులు ట్రాక్ పునరుద్ధరణ పనులు చేపట్టారు. గూడ్స్ రైలు ప్రమాదంపై కేంద్రమంత్రి బండి సంజయ్ ఆరా తీశారు. తక్షణమే ట్రాక్ మరమ్మతులు చేసి, రైళ్ల రాకపోకలను పునరుద్ధరించాలని కేంద్రమంత్రి అధికారులను ఆదేశించారు.