ఖైరతాబాద్ మహా గణపతికి గవర్నర్ తొలిపూజ

బుధవారం ఒకవైపు జోరుగా వర్షం కురుస్తున్నా మహా గణపతిని సందర్శించుకునేందుకు భక్తులు బారులు తీరారు.69 అడుగుల ఎత్తు 28 అడుగుల వెడల్పుతో ఏర్పాటు చేసిన ఈ గణేశుడి పక్కన శ్రీవాసవీ కన్యకా పరమేశ్వరి అమ్మవారు, ఎడమ వైపున ఖైరతాబాద్ గ్రామ దేవత గజ్జలమ్మలు కొలువు తీరి ఉన్నారు.వర్షం కురుస్తున్నా లెక్క చేయకుండా గొడుగులు చేత బట్టుకొని భక్తులు మహా గణపతిని దర్శించుకొని పూజలు చేశారు.

వినాయక చవితి సందర్భంగా రాజస్థాన్ రాష్ట్రానికి చెందిన రేష్మ ఖైరతాబాద్ బడా గణపతిని దర్శించుకుందామని బుధవారం ఉదయంపు వచ్చి క్యూలైనులో నిలుచున్నారు. నిండు గర్భిణీ అయన రేష్మాకు పురిటి నొప్పులు వచ్చాయి. పురిటి నొప్పులతో బాధపడుతున్న రేష్మాకు ప్రసవం కోసం స్థానిక మహిళా భక్తులు తోడ్పాటు అందించారు క్యూలైనులోనే రేష్మా పండంటి శిశువుకు జన్మనిచ్చింది. ప్రసవం అనంతరం తల్లీ బిడ్డలను పక్కనే ఉన్న ప్రభుత్వ కమ్యూనిటీ హెల్త్ సెంటరుకు తరలించి వైద్యులు సహాయం చేశారు.