హైదరాబాద్ లో దంచి కొడుతున్న వర్షం

గత కొన్ని రోజులుగా తెలంగాణ వ్యాప్తంగా వర్షాలు దంచికొడుతున్నాయి. సోమవారం సాయంత్రం ఆసిఫాబాద్, నిజామాబాద్, కామారెడ్డి, జనగాం, యాదాద్రి, భువనగిరి, సిద్దిపేట, సంగారెడ్డి, రంగారెడ్డి, మంచిర్యాల, భూపాపల్లి, కరీంనగర్ జిల్లాల్లో భారీ వర్షం ప్రారంభమైంది. ఏకధాటిగా వర్షం కురుస్తుండటంతో జనజీవనం స్థంభించిపోయింది.ఉరుములు, మెరుపులతో కూడిన వర్షం కురుస్తుందని వాతావరణ శాఖ తెలిపింది.అల్పపీడనప్రభావంతో మంగళవారం కూడా వర్షాలు కురుస్తాయని వాతావరణ శాఖ అధికారి శ్రీనివాసరావు తెలిపారు. ముంపు ప్రాంతాల్లో హైడ్రా, జీహెచ్ఎంసీ సహాయక చర్యలు చేపట్టింది.రంగారెడ్డి జిల్లా హయత్ నగర్ లో కురిసిన భారీ వర్షానికి బంజారా కాలనీ నీట మునిగింది. పలు కాలనీల్లో ఇళ్లలోకి నీళ్లు చేరాయి.