Hyderabad|ఇక ట్రాఫిక్ సమస్యలకు శాశ్వత పరిష్కారం,రెయిన్ వాటర్ సంపులు

హైదరాబాద్ నగరంలో పలు ప్రధాన రోడ్లపై 141 ప్రాంతాల్లో వాటర్ లాగింగ్ పాయింట్స్ ను మున్సిపల్ అధికారులు గుర్తించారు. ఆయా పాయింట్లలో వాటర్ సంపులు నిర్మించి పైన ఇనుప జాలీలను ఏర్పాటు చేస్తున్నారు. నగరంలోని గవర్నర్ బంగాళ రాజ్ భవన్ రోడ్డుపై లేక్ వ్యూ గెస్ట్ హౌస్ దగ్గర వరద నివారణ కోసం నిర్మిస్తున్న రెయిన్ వాటర్ సంప్ పనులను ముఖ్యమంత్రి రేవంత్ రెడ్డి సోమవారం పరిశీలించారు. రోడ్లపై వరద నివారణ కోసం తీసుకోవాల్సిన చర్యల గురించి సీఎం అధికారులకు పలు సూచనలు చేశారు. వచ్చే వర్షాకాలం నాటికి అన్నీవాటర్ లాగింగ్ పాయింట్లలో సంపుల నిర్మాణ పనులు పూర్తి చేయాలని ముఖ్యమంత్రి ఆదేశించారు.

భారీ వర్షాలు, వరదలు చిన్నపాటి వరదొచ్చినా నగరంలో చాలాచోట్ల రోడ్లు జలమమమై ట్రాఫిక్‌తో పాటు ప్రజలు తీవ్ర ఇబ్బందులకు గురవుతున్నారు.ఈ ఇబ్బందులను గుర్తించి, 141 వాటర్ లాగింగ్ పాయింట్స్ వద్ద వెంటవెంటనే నీరు వెళ్లేలా శాశ్వత పరిష్కారం చూపాలని ముఖ్యమంత్రి రేవంత్ రెడ్డి గతంలో అధికారులను ఆదేశించారు.ఆ పనుల పురోగతిని సీఎం స్వయంగా పరిశీలించి అధికారులకు పలు సూచనలు చేశారు. వచ్చే వర్షాకాలం నాటికి అన్ని చోట్లా పనులు పూర్తి చేయాలని ముఖ్యమంత్రి ఆదేశించారు. రెయిన్ వాటర్ సంప్‌ల డిజైన్‌లో అవసరమైన మార్పులను అధికారులకు సూచించారు.

రోడ్ల పైన వరదనీటిని సంపుల్లోకి మళ్లిస్తే నగరం లో ట్రాఫిక్ జాం లను తగ్గించవచ్చని సీఎం రేవంత్ రెడ్డి చెప్పారు.రెయిన్ వాటర్ సంప్ ల డిజైన్ మార్చాలని సీఎం అధికారులకు సూచించారు.హైదరాబాద్ వ్యాప్తంగా గుర్తించిన 141 వాటర్ లాగింగ్ పాయింట్స్ దగ్గర రెయిన్ వాటర్ సంపు లను నిర్మించాలని ఆదేశాలు జారీ చేశారు.ఈ కార్యక్రమంలో మంత్రి పొన్నం ప్రభాకర్, ఖైరతాబాద్ ఎమ్మెల్యే దానం నాగేందర్, మున్సిపల్ శాఖ ప్రిన్సిపల్ సెక్రటరీ దాన కిశోర్, జీహెచ్ఎంసీ కమిషనర్ ఇళంబర్తి,సీఎం స్పెషల్ సెక్రటరీ అజిత్ రెడ్డిలతో సీఎం సమీక్షించారు.