మంత్రి పదవి ముఖ్యంకాదు..నన్ను అవమానిస్తున్నారు

తనకు మంత్రి పదవి ఇస్తామని గతంలో భట్టి విక్రమార్క హామీ ఇచ్చారని, ఇది వాస్తవమని ఎమ్మెల్యే రాజగోపాల్‌రెడ్డి అన్నారు. అయితే ఇందులో వాస్తవాన్ని ప్రజలకు వివరించిన భట్టి విక్రమార్కకు ఆయన ధన్యవాదాలు తెలిపారు. రాజగోపాల్ రెడ్డికి పార్టీలో చేరేముందు మంత్రి పదవి ఇస్తామని హామీ ఇచ్చిన మాట నిజమేనని , మంత్రివర్గ కూర్పులో అది సాధ్యం కాలేదని తాజాగా భట్టి వెల్లడించారు. భట్టి మాటలపై స్పందించిన రాజగోపాల్ రెడ్డి తనకు మంత్రి పదవి ముఖ్యం కాదని ట్వీట్ చేశారు.అయితే ఆ హామీని అధిష్ఠానం అమలుచేయలేదని వాపోయారు. ఈ విషయంలో తనను రాష్ట్రంలోని ముఖ్య నేతలే అడ్డుకుంటూ అవమానిస్తున్నారని ఆవేదన వ్యక్తం చేశారు.