మణుగూర్ బిఆర్ఎస్ కార్యాలయం దగ్ధం

త్వరలోనే పార్టీ కార్యాలయాన్ని సందర్శించి, అదే ప్రాంతంలో పార్టీ కార్యాలయానికి శంకుస్థాపన చేసుకుని పార్టీ కార్యాలయాన్ని నిర్మిద్దామని కేటీఆర్ అన్నారు. కాంగ్రెస్ పార్టీ రౌడీలకు భయపడాల్సిన అవసరం లేదని, వారికి చరమగీతం పాడుదామని కేటీఆర్ పిలుపునిచ్చారు. గ్రామస్థాయి నుంచి రాష్ట్ర రాజధాని వరకు రౌడీల రాజ్యం కొనసాగుతుందన్నారు.

పెట్రోల్ పోసి తగలబెట్టారు

ఆదివారం ఉదయం మణుగూరు పార్టీ కార్యాలయం దగ్దమైంది. కాంగ్రెస్ శ్రేణులు పార్టీ కార్యాలయం, ఫర్నిచర్ ను పెట్రోల్ పోసి తగులబెట్టినట్టు బీఆర్ఎస్ ఆరోపిస్తుంది. అనంతరం తమ పార్టీ కార్యకర్తలపై దాడి జరిగినట్టు ఆరోపించింది. బిఆర్ఎస్ ప్రభుత్వం తమ పార్టీ కార్యాలయంను ఆక్రమించుకుని బిఆర్ఎస్ కార్యాలయంగా మార్చుకుందని కాంగ్రెస్ ఆరోపిస్తుంది. మణుగూరు పార్టీ కార్యాలయం దగ్దం అయిన ఘటన తెలుసుకున్న పోలీసులు అక్కడికి చేరుకున్నారు. పరిస్థితిని అదుపులోకి తెచ్చారు. మణుగూరులో ఉద్రిక్తత వాతావరణం నెలకొంది.