మిస్ బ్రెజిల్ జెస్సికా స్కేన్ద్రియుజ్య్ పెడ్రోసోకు బొట్టుపెట్టి స్వాగతం పలుకుతున్న దృశ్యం
హైదరాబాద్‌లో మిస్ వరల్డ్ 2025 సందడి షురూ
హైదరాబాద్‌లో మిస్ వరల్డ్ 2025 పోటీల సందడి ప్రారంభమైంది.అంతర్జాతీయ ఖ్యాతి గాంచిన ఈ పోటీల్లో పాల్గొనేందుకు వివిధ దేశాల అందాల భామలు హైదరాబాద్ కు తరలివస్తున్నారు.
అంతర్జాతీయ యవనికపై తెలంగాణ బ్రాండ్ ఇమేజ్ పెంచేలా మిస్ వరల్డ్ పోటీలు(Miss World 2025) నిర్వహించేందుకు తెలంగాణ ప్రభుత్వం సమాయత్తమైంది. మే 10వతేదీ నుంచి 31వతేదీ వరకు హైదరాబాద్ వేదికగా జరగనున్న 72 వ మిస్ వరల్డ్ 2025 పోటీలకు హైదరాబాద్ నగరం ముస్తాబు అయింది. హైదరాబాద్ లో జరగనున్న మిస్ వరల్డ్ పోటీల్లో పాల్గొననున్న వివిధ దేశాల సుందరీమణుల రాక ప్రారంభమైంది.
హైదరాబాద్ కు చేరుకున్న మిస్ బ్రెజిల్
హైదరాబాద్ లో జరుగనున్న మిస్ వరల్డ్ పోటీల్లో పాల్గొననున్న వివిధ దేశాల సుందరీమణులు ఒక్కక్కరే వస్తున్నారు.ఈ మిస్ వరల్డ్ పోటీదారులు ఈ నెల 6 వ తేదీకల్లా హైదరాబాద్ కు చేరుకుంటారు.మిస్ బ్రెజిల్ జెస్సికా స్కేన్ద్రియుజ్య్ పెడ్రోసో ( Ms. Jessica Scandiuzzi Pedroso (Brazil) శంషాబాద్ ఎయిర్ పోర్ట్ కు ఆదివారం ఉదయం చేరుకున్నారు. శంషాబాద్ కు చేరుకున్న మిస్ బ్రెజిల్ కు తెలంగాణ సంస్కృతీ, సంప్రదాయాల ప్రకారం అధికారులు ఘన స్వాగతం పలికారు.ఇప్పటికే మిస్ వరల్డ్ సీఈవో, చైర్ పర్సన్ జూలియా ఈవేలిన్ మోర్లి, మిస్ కెనడా మిస్ ఎమ్మా డయన్నా క్యాథరీన్ మొర్రిసన్ లు ఇప్పటికే చేరుకున్నారు.
మిస్ కెనడాకు సంప్రదాయ స్వాగతం
శనివారం మిస్ కెనడా మిస్ ఎమ్మా డీనా కాథరిన్ మోరిసన్ (Ms.Emma Deanna Cathryn Morrison) హైదరాబాద్ (Hyderabad) నగరంలోని శంషాబాద్ జీఎంఆర్ అంతర్జాతీయ విమానాశ్రయానికి వచ్చారు. మిస్ వరల్డ్ పోటీల్లో పాల్గొనే వివిధ దేశాల సుందరాంగులు ఈ నెల 6 వ తేదీ నుంచి హైదరాబాద్ కు చేరుకుంటారు.శంషాబాద్ విమానాశ్రయానికి చేరుకున్న మిస్ కెనడా కు తెలంగాణ సంస్కృతీ, సంప్రదాయాల ప్రకారం రాష్ట్ర పర్యాటకశాఖ అధికారులు ఘన స్వాగతం పలికారు.కెనడా దేశ గొప్ప స్వదేశీ వారసత్వాన్ని సూచించే మిస్ కెనడా ఎమ్మా మోరిసన్ కు ప్రపంచ సౌందర్యం, స్థానిక సంప్రదాయాల కలయికను ప్రదర్శించే శాస్త్రీయ నృత్యంతో స్వాగతం పలికారు.
హైదరాబాద్ లో మిస్ వరల్డ్ అధికారుల మకాం
మిస్ వరల్డ్ పోటీలు నిర్వహించే వివిధ దేశాల అధికారులు హైదరాబాద్ లో మకాం వేసి మిస్ వరల్డ్ 2025 కోసం ఏర్పాట్లను సమీక్షిస్తున్నారు. హైదరాబాద్‌లో జరగనున్న ప్రతిస్ఠాత్మక మిస్ వరల్డ్ 2025 పోటీల సన్నాహాల్లో భాగంగా లండన్‌లోని మిస్ వరల్డ్ లిమిటెడ్ చైర్‌పర్సన్, సీఈఓ జూలియా ఎవెలిన్ మోర్లీ హైదరాబాద్ చేరుకున్నారు.శంషాబాద్‌లోని రాజీవ్ గాంధీ అంతర్జాతీయ విమానాశ్రయంలో రాష్ట్ర ప్రభుత్వ ప్రతినిధులు,స్థానిక మిస్ వరల్డ్ ఆర్గనైజింగ్ కమిటీ సభ్యులు ఆమెకు సాంప్రదాయ స్వాగతం పలికారు.మోర్లీతో పాటు మిస్ వరల్డ్ సంస్థ అధికారిక ప్రతినిధి కెర్రీ కూడా ఉన్నారు.
మిస్ వరల్డ్ ఏర్పాట్లపై సమీక్షలు
మిస్ వరల్డ్ పోటీదారులు సందర్శించాల్సిన వివిధ ప్రదేశాలు, ఈవెంట్ ప్లానింగ్, ఈవెంట్ నిర్వహణలో పాల్గొన్న బహుళ విభాగాలు,ఏజెన్సీలతో మోర్లీ సమీక్షిస్తారు.మిస్ వరల్డ్ సంస్థ నుంచి సీనియర్ అధికారి హెన్రిక్ ఫోంటెస్ కూడా వచ్చారు. శంషాబాద్ విమానాశ్రయంలో హైదరాబాద్ మిస్ వరల్డ్ స్థానిక నిర్వాహక బృందం ఆయనకు కూడా హృదయపూర్వక సాంప్రదాయ స్వాగతం పలికింది.
తెలంగాణ బ్రాండ్ ఇమేజ్ పెంచేలా...
తెలంగాణ ముఖ్యమంత్రి రేవంత్ రెడ్డి నేతృత్వంలోని రాష్ట్ర ప్రభుత్వం మే 10 నుంచి 31 వరకు హైదరాబాద్ వేదికగా జరగనున్న 72 వ మిస్ వరల్డ్ 2025 పోటీలను తెలంగాణ ప్రత్యేకతలను ప్రపంచానికి తెలిపేలా, అంతర్జాతీయంగా తెలంగాణకు బ్రాండ్ ఇమేజ్ పెంచేలా అంగరంగ వైభవంగా నిర్వహించేందుకు పకడ్బందీ కార్యాచరణ సిద్ధం చేసింది. మిస్ వరల్డ్ పోటీలను సువర్ణ అవకాశంగా మలుచుకొని పెద్ద ఎత్తున పెట్టుబడులు తెలంగాణకు ఆకర్షించేలా ప్రయత్నాలు చేస్తుంది.
ప్రపంచం కళ్లన్నీ తెలంగాణవైపే...
తెలంగాణలో మిస్ వరల్డ్ 72 పోటీలు జరగనున్న నేపథ్యంలో ప్రపంచం కళ్లన్నీ తెలంగాణ వైపే ఉన్నాయి. ప్రపంచం నలుమూలల నుంచి 120 దేశాలకు చెందిన అందాల భామలు ఈ మెగా ఈవెంట్ లో పాల్గొననున్నారు. ఈ సందర్భంగా తెలంగాణ సంస్కృతి, చరిత్ర, పర్యాటక ఆకర్షణలు, మెడికల్, సేఫ్టీ టూరిజం, తెలంగాణ గ్రోత్ స్టోరీ , ఇతర ప్రత్యేకతలు ప్రపంచానికి పరిచయం చేయడానికి ప్రత్యేక థీమ్స్ , టూరిస్ట్ సర్క్యూట్లు రూపొందించారు.
ఇవీ మిస్ వరల్డ్ 2025 కార్యక్రమాలు
12.05.2025:బుద్ధిష్టు ఆధ్యాత్మిక పర్యటన : ఈ వేడుకల్లో భాగంగా నాగార్జునసాగర్ లో ఉన్న బుద్ధవనం ప్రాజెక్టును, బుద్ధిస్ట్ థీమ్ పార్కును ప్రపంచానికి తెలియజేసేలా బుద్ధిష్టు ఆధ్యాత్మిక పర్యటన చేపట్టనున్నారు. మిస్ వరల్డ్ పోటీల్లో పాల్గొనే అందాల భామలు బుద్ధవనం ప్రాజెక్టును మే 12న సందర్శిస్తారు.
12.05.2025:హైదరాబాద్ హెరిటేజ్ వాక్ : హైదరాబాద్ సాంస్కృతిక వారసత్వం గొప్పదనం ప్రపంచానికి తెలియజేసేలా చార్మినార్ , లాడ్ బజార్ లలో హెరిటేజ్ వాక్ నిర్వహిస్తారు.
13.05.2025: చౌమల్లా ప్యాలెస్ సందర్శన : హైదరాబాద్ కే తలమానికంగా నిలుస్తున్న చౌమల్లా ప్యాలెస్ ను సుందరీమణులు సందర్శిస్తారు. అక్కడ లైవ్ మ్యూజిక్ కన్సర్ట్ ను తిలకిస్తారు.
14.05.2025: వరంగల్ హెరిటేజ్ సందర్శన : గ్రూప్ 1 లోని మిస్ వరల్డ్ పోటీదారులు చారిత్రక, ఆధ్యాత్మిక నగరం వరంగల్ లోని వెయ్యి స్థంభాల గుడి, వరంగల్ పోర్ట్ ను సందర్శిస్తారు.
14.05.2025: రామప్ప ఆలయ సందర్శన : గ్రూప్ 2 లోని మిస్ వరల్డ్ కాంటెస్టెంట్ లు యునెస్కో వారసత్వ సంపదగా గుర్తింపు పొందిన రామప్ప ఆలయాన్ని సందర్శిస్తారు. అక్కడే ఏర్పాటు చేసిన పేరిణి నృత్యాన్ని తిలకిస్తారు.
15.05.2025: యాదగిరి గుట్ట ఆలయ సందర్శన : గ్రూప్ 1 లోని మిస్ వరల్డ్ కాంటెస్టెంట్ లు ఆధ్యాత్మిక టూరిజం లో భాగంగా యాదగిరిగుట్ట ఆలయాన్ని సందర్శిస్తారు.
15.05.2025: హ్యాండ్లూమ్ ఎక్స్పీరియన్సల్ టూర్ : గ్రూప్ 2 లోని మిస్ వరల్డ్ కాంటెస్టెంట్ లు హ్యాండ్లూమ్ ఎక్స్పీరియన్సల్ టూర్ లో భాగంగా పోచంపల్లిలో చేనేత వస్త్రాల తయారీని, ప్రదర్శనను ప్రత్యక్షంగా తిలకిస్తారు.
16.05.2025: మెడికల్ టూరిజంపై పరిచయం : వివిధ దేశాల నుండి రోగులను ఆకర్షించే ఉద్దేశ్యంతో మెడికల్ టూరిజాన్ని చేపడతారు.హైదరాబాద్ లోని ఏఐజీ హాస్పిటల్ లో నిర్వహించే మెడికల్ టూరిజం ఈవెంట్ కు గ్రూప్ 1 మిస్ వరల్డ్ కాంటెస్టెంట్ లు హాజరవుతారు. హైదరాబాద్ లోని ఆధునిక ఆస్పత్రుల ప్రత్యేకతలను కాంటెస్టెంట్ లకు వివరిస్తారు.
16.05.2025: పిల్లల మర్రి వృక్ష సందర్శన : గ్రూప్ 2 మిస్ వరల్డ్ కాంటెస్టెంట్ లు మహబూబ్ నగర్ లోని పిల్లలమర్రి వృక్షాన్ని సందర్శిస్తారు.
16.05.2025: ఎక్స్పీరియం ఎకో పార్క్ సందర్శన : గ్రూప్ 2 మిస్ వరల్డ్ కాంటెస్టెంట్ లు సాయంత్రం హైదరాబాదు నగరానికే ప్రత్యేక ఆకర్షణగా ఉన్న ఎక్స్పీరియన్ ఎకో పార్కును సందర్శిస్తారు.
17.05.2025: మిస్ వరల్డ్ ఆటల తుది పోటీలు : మిస్ వరల్డ్ కాంటెస్టెంట్ లు గచ్చిబౌలి ఇండోర్ స్టేడియంలో నిర్వహించే మిస్ వరల్డ్ స్పోర్ట్స్ ఫైనల్ పోటీల్లో పాల్గొంటారు.
17.05.2025: రామోజీ ఫిలిం సిటీ సందర్శన :ప్రపంచంలోనే పెద్ద ఫిలిం సిటీలలో ఒకటిగా గుర్తింపు పొందిన ప్రఖ్యాత రామోజీ ఫిలిం సిటీని మిస్ వరల్డ్ కాంటెస్టెంట్ లు సందర్శిస్తారు.
18.05.2025: సేఫ్టీ టూరిజం: మిస్ వరల్డ్ కాంటెస్టెంట్ లు తెలంగాణ పోలీస్ ఇంటిగ్రేటెడ్ కమాండ్ అండ్ కంట్రోల్ సెంటర్ ను సందర్శించి తెలంగాణ ప్రభుత్వం పౌరుల భద్రతకు తీసుకుంటున్న చర్యలను , ప్రభుత్వం సేఫ్టీ టూరిజం ఇనిషియేటివ్స్ ను పరిశీలిస్తారు.
18.05.2025: సచివాలయ సందర్శన : మిస్ వరల్డ్ కాంటెస్టెంట్ లకు అధికారులు తెలంగాణ రాష్ట్ర గ్రోత్ స్టోరీ, చరిత్రను తెలియజేస్తారు. ట్యాంక్ బండ్ పైన ప్రతి ఆదివారం ఏర్పాటు చేసే సండే ఫండే కార్నివాల్ ను సందర్శిస్తారు.
20.05.2025 & 21.05.2025: కాంటినెంటల్ ఫినాలే : మిస్ వరల్డ్ కాంటెస్టెంట్ లను కాంటినెంటల్ క్లస్టర్ ఆధారంగా స్ట్రీమ్ లైన్ చేసేందుకు రీజియన్ స్పెసిఫిక్ ఫాస్ట్ ట్రాక్ సెలెక్షన్స్ నిర్వహిస్తారు.
20.05.2025 లేదా 21.05.2025: ఐపీఎల్ మ్యాచ్ కు హాజరు : ఉప్పల్ లోని రాజీవ్ గాంధీ ఇంటర్నేషనల్ స్టేడియంలో జరగనున్న ఐపీఎల్ మ్యాచ్ కు గ్రూప్_1 కంటెస్టెంట్లు హాజరవుతారు.
21.05.2025: తెలంగాణ కళాకారుల చే ఆర్ట్స్ , క్రాఫ్ట్స్ వర్క్ షాప్ : గ్రూప్_2 కంటెస్టెంట్లు శిల్పారామం లో తెలంగాణ కళాకారుల చే నిర్వహించే ఆర్ట్స్ , క్రాఫ్ట్స్ వర్క్ షాప్ హాజరవుతారు. స్వయంగా వాటి తయారీలో భాగమై ప్రత్యక్షంగా తయారీ గురించి తెలుసుకుంటారు.
22.05.2025: మిస్ వరల్డ్ టాలెంట్ ఫినాలే : మిస్ వరల్డ్ టాలెంట్ ఫినాలే లో కంటెస్టెంట్లు పాల్గొంటారు.23.05.2025: హెచ్ 2 హెచ్ ఛాలెంజ్ ఫినాలే.హెడ్ టు హెడ్ ఛాలెంజ్ ఫినాలే లో కంటెస్టెంట్లు పాల్గొంటారు.
24.05.2025: మిస్ వరల్డ్ టాప్ మోడల్ , ఫ్యాషన్ ఫినాలే & జ్యువెలరీ/ పెర్ల్ గది షో మిస్ వరల్డ్ టాప్ మోడల్, ఫ్యాషన్ ఫినాలే లో పాల్గొంటారు.
26.05.2025: బ్యూటీ విత్ ప్యాషన్ : బ్యూటీ విత్ ప్యాషన్ లో కాంటెస్టెంట్ లు పాల్గొంటారు.
31.05.2025: మిస్ వరల్డ్ గ్రాండ్ ఫినాలే : మిస్ వరల్డ్ గ్రాండ్ ఫినాలే లోకాంటెస్టెంట్ లు పాల్గొంటారు.
Next Story
