
ముగిసిన పంచాయతీ ఎన్నికల తొలి విడత నామినేషన్లు
సర్పంచ్ స్థానాలకు 8,198 నామినేషన్లు, 11,502 వార్డు మెంబర్ నామినేషన్లు.
తెలంగాణలో పంచాయతీ ఎన్నికల తొలి విడత నామినేషన్ల ప్రక్రియ ముగిసింది. సాయంత్రం వరకు జరిగిన నామినేషన్ల ప్రక్రియలో సర్పంచ్ స్థానాలకు 4,901 నామినేషన్లు దాఖలు. రెండో రోజు వార్డు మెంబర్ల స్థానాలకు 9,643 నామినేషన్ల దాఖలు. రెండు రోజుల్లో సర్పంచ్ స్థానాలకు 8,198 నామినేషన్లు, 11,502 వార్డు మెంబర్ నామినేషన్లు దాఖలయ్యాయి. ఆదివారం నామినేషన్ల పరిశీలన చేపట్టి, చెల్లుబాటు అయిన నామినేషన్ల జాబితాను విడుదల చేయనున్నారు. సోమవారం నుంచి అప్పీళ్ల స్వీకరణ ప్రారంభమవుతుంది. డిసెంబరు 2న వచ్చిన అప్పీళ్లపై పరిష్కారం చేపట్టనున్నారు.
డిసెంబరు 3న నామినేషన్ల ఉపసంహరణకు చివరి గడువు. అదే రోజు పోటీలో మిగిలిన అభ్యర్థుల తుది జాబితా వెల్లడికానుంది. వచ్చే నెల డిసెంబర్ 11న పోలింగ్, ఓట్ల లెక్కింపు, ఉపసర్పంచ్ ఎన్నికలు నిర్వహించనున్నట్లు అధికారులు ప్రకటించారు.
రేపటి నుంచి రెండో దశ
మొదటి దశ నామినేషన్ ప్రక్రియ ముగియడంతో, రెండో విడత ఎన్నికల నామినేషన్లు రేపటి నుంచి డిసెంబర్ 2 వరకు స్వీకరించనున్నారు. రెండో దశలో మొత్తం 193 మండలాల పరిధిలోని 4,333 పంచాయతీలు, 38,350 వార్డుల్లో ఎన్నికలు జరగనున్నాయి. పంచాయతీ ఎన్నికల రెండు దశల్లోనూ పెద్ద ఎత్తున పోటీ నెలకొనే అవకాశం ఉన్నట్లు అధికారులు అంచనా వేస్తున్నారు.

