పోలీసు కానిస్టేబుల్ మానవత్వం,టీఎస్‌హెచ్‌ఆర్‌సీ ఛైర్‌పర్సన్ ప్రశంస

2025 ఆగస్టు 7వ తేదీ రాత్రి 8.30 గంటల సమయంలో హైదరాబాద్‌ నగరంలో కురిసిన భారీ వర్షాల కారణంగా బంజారా హిల్స్ రహదారులు నడుము లోతు వరద నీటితో మునిగిపోయాయి.ముఫకంజా ఇంజినీరింగ్ కళాశాల బస్ స్టాప్‌లో నైనికా అనే యువతి నడుం లోతు వరదనీటిలో చిక్కుకుపోయారు.ఆస్ట్రేలియాలో ఎంబీఏ చదువుకుంటూ రామంతపూర్‌లో కుటుంబ సభ్యులను కలుసుకోవడానికి వచ్చిన నైనిక, తన అన్న వదిలి వెళ్లిన తర్వాత పెరుగుతున్న వరదనీటిలో ఇరుక్కుపోయింది. నీటి భయం (హైడ్రోఫోబియా)తో విలవిలలాడుతూ, మొబైల్ ఫోన్ పనిచేయకపోవడంతో తల్లిదండ్రులను సంప్రదించలేని పరిస్థితిలో కొట్టుమిట్టాడుతుంది.

వరదనీటిలో యువతి చిక్కుకున్న పరిస్థితులను మానవహక్కుల కమిషన్ ఛైర్‌పర్సన్ భద్రతా బృందంలో పైలట్-కమ్-ఎస్కార్ట్ సిబ్బందిగా విధులు నిర్వహిస్తున్న హెడ్ కానిస్టేబుల్ శ్రీధర్ వర్మ బంజారాహిల్స్ రోడ్డుపై నుంచి వస్తూ కాలేజీ బస్టాప్‌లో ఒంటరిగా నిలబడి భయాందోళనలకు గురైన 22 ఏళ్ల యువతి నైనికను గమనించారు.ఈ సమయంలో హెడ్ కానిస్టేబుల్ శ్రీధర్ వర్మ నడుం లోతు నీటిలోకి వెళ్లి, ఆమెకు తన జెర్కిన్ ఇవ్వడంతో పాటు ధైర్యం చెప్పి, ఆమె కుటుంబ సభ్యులను సమాచారం అందించారు.ప్రయాణ సౌకర్యాలు లభించక పోవడంతో, ఉన్నతాధికారుల ఆదేశాల మేరకు ఆయన స్వయంగా నైనికను వరద నీటిలో రహదారులను దాటుతూ వనస్థలీపురంలోని ఆమె ఇంటికి తీసుకెళ్లి నైనికను తల్లి, చెల్లెలు వద్దకు క్షేమంగా చేర్చారు.

నైనిక వరదనీటిలో చిక్కుకుందనే విషయాన్ని ఆమె తండ్రికి వివరించిన పోలీసు హెడ్ కానిస్టేబుల్ శ్రీధర్ వర్మ ఆ తర్వాత ఆమెను వనస్థలీపురంలోని ఆమె అమ్మమ్మ ఇంటికి తీసుకెళ్లి రాత్రి 10:30 గంటలకు సురక్షితంగా వదిలేశారు.వరదలో చిక్కుకున్న నైనికాను సకాలంలో రక్షించినందుకు(Rescues Young Woman) ఆమె కుటుంబ సభ్యులు పోలీసులకు కృతజ్ఞతలు తెలిపారు. వరదల్లో చిక్కుకున్న యువతి నైనికాను కాపాడి ఆమెను అమ్మమ్మ వద్దకు చేర్చిన పోలీసు హెడ్ కానిస్టేబుల్ శ్రీధర్ వర్మ రియల్ హీరోగా నిలిచారు. ఆయనను పలువురు పోలీసు అధికారులు అభినందించారు.