నాగర్ కర్నూల్ మెడికల్ కాలేజిలో ర్యాగింగ్ కలకలం

నాగర్ కర్నూల్ మెడికల్ కాలేజిలో ర్యాగింగ్ కలకలం రేపింది. ఎంబీబీఎస్ మొదటి సంవత్సరం చదువుతున్న దీపక్ శర్మను ముగ్గురు సీనియర్లు ర్యాగింగ్ చేయడం నాగర్ కర్నూలు జిల్లాలో కల కలం రేపింది. రాజస్థాన్ కు చెందిన దీపక్ శర్మ నాగర్ కర్నూలు మెడికల్ కాలేజీలో మొదటి సంవత్సరం చదువుతున్నాడు. ర్యాగింగ్ చట్టరీత్యానేరం. యాంటీ ర్యాగింగ్ కమిటీ కళాశాలలో ఏర్పాటైన నేపథ్యంలో దీపక్ శర్మ ఈ కమిటీ దృష్టికి తీసుకొచ్చారు. బాయ్స్ కళాశాల వార్డెన్, ప్రిన్సిపాల్ దృష్టికి తనపై ర్యాగింగ్ జరిగిందని తొలుత దీపక్ శర్మ తీసుకొచ్చాడు. ఈ నెల 26న ప్రిన్సిపాల్ పోలీసులకు ఈ విషయాన్ని చేరవేశాడు. ఆ ముగ్గురు విద్యార్థులను పోలీసులు పిలిపించి కౌన్సిలింగ్ ఇచ్చారు . కళాశాల ర్యాగింగ్ కమిటీ డిసెంబర్ రెండో తేదీన సమావేశం ఏర్పాటు చేయనున్నారు. ఈ సమావేశంలోనే ర్యాగింగ్ పాల్పడిన ముగ్గురు విద్యార్థుల తల్లిదండ్రులను పిలిపించి కౌన్సిలింగ్ ఇవ్వాలని యాంటీ ర్యాగింగ్ కమిటీ భావించారు. ముగ్గురు విద్యార్థులపై ర్యాగింగ్ చట్టాలు వర్తిస్థాయని దీపక్ శర్మ తల్లిదండ్రులు ఆరోపిస్తున్నారు.

మహబూబ్ నగర్ జిల్లాలో మొదటి సంవత్సరం స్టూడెంట్ ను 10 మంది సీనియర్లు ర్యాగింగ్ చేశారు.దారి కడ్డంగా నిల్చొని సీనియర్లు ర్యాగింగ్ చేసినట్టు కళాశాల డైరెక్టర్ రమేష్ పోలీసులకు ఫిర్యాదు చేయగా పోలీసులు ర్యాగింగ్ చేసిన విద్యార్థులను పిలిపించి కౌన్సిలింగ్ ఇచ్చి పంపించి వేశారు. వారిపై చట్టపరంగా చర్యలు తీసుకోలేదు. నాగర్ కర్నూల్ మెడికల్ కళాశాల ఘటనలోకూడా పోలీసులు ర్యాగింగ్ కు పాల్పడిన వారిపై చట్టపరంగా చర్యలు తీసుకోలేదు. భావితరానికి డాక్టర్లను అందించే రెండు మెడికల్ కాలేజీల్లో పది రోజుల వ్యవధిలో రెండు ర్యాగింగ్ కేసులు నమోదు కావడం తెలంగాణలో కలకలం రేపింది.