తెలంగాణలో 17 జిల్లాల్లో వర్షాలు,ఐఎండీ ఎల్లో అలర్ట్ జారీ

తెలంగాణ రాష్ట్రంలోని పలు జిల్లాల్లో రాగల మూడు రోజుల పాటు తేలికపాటి నుంచి ఓ మోస్తరు వర్షాలు కురిసే అవకాశముందని వాతావరణ శాఖ హైదరాబాద్ కేంద్రం డైరెక్టర్ నాగరత్న ‘ఫెడరల్ తెలంగాణ’కు చెప్పారు.ఉపరితల ఆవర్తనం దక్షిణ కోస్తాంధ్ర తీరం నుంచి ఉత్తర శ్రీలంక వరకు తమిళనాడు తీరం గుండా 3.1 కిలోమీటర్ల ఎత్తులో ఏర్పడిందని ఆమె చెప్పారు. చాలా జిల్లాల్లో వచ్చే మూడు రోజుల పాటు ఉరుములు మెరుపులు, ఈదురుగాలితో కూడిన తేలికపాటి నుంచి మోస్తరు వర్షాలు కొన్నిచోట్ల కురిసే అవకాశం ఉందని ఆమె తెలిపారు. తెలంగాణ రాష్ట్రంలోని అన్ని జిల్లాల్లో గంటకు 30 నుంచి 40 కిలోమీటర్ల వేగంతో ఈదురుగాలులు వీచే అవకాశం ఉందని ఆమె వివరించారు. పశ్చిమ మధ్య బంగాళాఖాతం ప్రాంతంలో ఆగస్టు 13వతేదీన అల్పపీడనం ఏర్పడే అవకాశం ఉందని డైరెక్టర్ వివరించారు.

రాబోయే రెండు గంటల్లో వర్షం