ప్యూచర్ సిటీ పేరిట రేవంత్ రెడ్డి రియల్ ఎస్టేట్ వ్యాపారం

జూబ్లిహిల్స్ ఉప ఎన్నిక నేపథ్యంలో బిఆర్ఎస్ వర్కింగ్ పెసిడెంట్ కెటిఆర్ షేక్ పేటలో పర్యటించారు. ఇంటింటికి వెళ్లి కాంగ్రెస్ బాకీ కార్డును పంపిణీ చేశారు. గత అసెంబ్లీ ఎన్నికల్లో కాంగ్రెస్ పార్టీ ఇచ్చిన ఎన్నికల హామిలు ఇప్పటివరకు పూర్తిచేయలేదని ఆయన అన్నారు. కాంగ్రెస్ ఇచ్చిన వాగ్దానాలు అమలయ్యే వరకు బిఆర్ఎస్ పెద్ద ఎత్తున ఉద్యమం చేయనుందని కెటిఆర్ హెచ్చరించారు. జూబ్లి హిల్స్ ఉప ఎన్నికలో కాంగ్రెస్ పార్టీకి బుద్ది చెప్పకపోతే మరో మూడేళ్లు వారి అరాచకాలకు అడ్డే ఉండదన్నారు. ఎన్నికలు ముగియగానే మంత్రులు, సామంతులు అందరూ కనుమరుగవుతారని, ప్రజల కష్ట సుఖాలు పంచుకునేది బిఆర్ఎస్ మాత్రమేనని కెటిఆర్ అన్నారు. జూబ్లిహిల్స్ లో బిఆర్ఎస్ అభ్యర్థి మాగంటి సునీతను ఆశీర్వదించాలని కెటిఆర్ కోరారు.