Road Accident | లారీని ఢీకొన్న బస్సు, నలుగురి మృతి, 17మందికి గాయాలు

- సూర్యాపేట జిల్లా చివ్వెంల మండలం ఐలాపురం గ్రామం వద్ద జాతీయ రహదారిపై ఓ లారీ ఆగి ఉంది. కూలీ పనుల కోసం ఛత్తీస్ ఘడ్ రాష్ట్రం నుంచి గుప్తా ట్రావెల్స్ ప్రైవేటు బస్సులో హైదరాబాద్ వస్తుండగా ఆగి ఉన్న లారీని ఢీకొట్టింది.

- ఈ ప్రమాదంలో 17 మంది కూలీలు తీవ్రంగా గాయపడ్డారు.రోడ్డు ప్రమాదం గురించి తెలియగానే సూర్యాపేట పోలీసులు హుటాహుటిన సంఘటన స్థలానికి వచ్చారు. గాయపడిన వారిని సమీపంలోని సూర్యాపేట ఏరియా ఆసుపత్రికి తరలించారు.

- ప్రమాదం సమయంలో బస్సులో 32 మంది కూలీలున్నారని పోలీసులు చెప్పారు.అతివేగమే ఈ రోడ్డు ప్రమాదానికి కారణమని పోలీసులు చెప్పారు. పోలీసులు, స్థానికులు రోడ్డుపై ప్రమాదానికి గురైన లారీ, బస్సు శిథిలాలను క్రేన్ల సహాయంతో తొలగించే పనిలో ఉన్నారు. ఈ రోడ్డు ప్రమాదంపై పోలీసులు దర్యాప్తు చేస్తున్నారు.