రాజకీయాల్లో సానియామీర్జా? హైదరాబాద్ ఎంపీ అభ్యర్థిగా బరిలోకి?

నేటి నుంచి ‘దావత్-ఎ-రమజాన్ కార్యక్రమంలో సానియా

సానియా మీర్జా, ఆమె సోదరి ఆనంమీర్జా రమజాన్ ఎక్స్ పో ‘దావత్-ఎ-రమజాన్ కార్యక్రమంలో భాగంగా ఈద్ ముందు బుధవారం నుంచి ఏప్రిల్ 10వతేదీ వరకు తన అభిమానులను కలవనున్నారు. ఈద్ సందర్భంగా షాపింగ్, ఫుడ్ కార్నివాల్ కు తన అభిమానులను సానియా మీర్జా ఆహ్వానిస్తూ ఓ వీడియో సందేశాన్ని విడుదల చేశారు. ‘‘అస్సలాం వాలేకుం హైదరాబాద్...నేను సానియామీర్జా దావత్ ఎ రమజాన్ కు వస్తున్నా, మీ అందరినీ చూడాలనుకుంటున్నాను’’అని సానియా మీర్జా చెప్పారు. బుధవారం సాయంత్రం సానియా, ఆనంమీర్జాల రమజాన్ ఎక్స్ పోను బాలీవుడ్ నటి రవీనా టాండన్ ప్రారంభించనున్నారు. ఈ ఎక్స్ పోలో ఆహారం, దుస్తులు, ఆభరణాలతో విభిన్న స్టాల్స్‌ ఏర్పాటు చేశారు. సందర్శకులు హలీమ్, కబాబ్‌లు, బిర్యానీలు, స్వీట్‌లతో సహా వివిధ రకాల రమజాన్ రుచికరమైన వంటకాలను అందుబాటులో ఉంచారు.

సానియా మీర్జాకు ఇండియన్ ఆఫ్ ది ఇయర్ అవార్డు

పాక్ క్రికెటర్ షోయబ్ మాలిక్ నుంచి విడాకుల తర్వాత సానియా మీర్జాకు తాజాగా ఇండియన్ ఆఫ్ ది ఇయర్ అవార్డు లభించింది. ఎన్టీటీవీ వారు అందించిన ఈ అవార్డును అందుకుంటున్న సమయంలో రెడ్ కార్పెట్ పై ఉన్న తన కుమార్తె సానియామీర్జా ఫొటోను ఆమె తండ్రి ఇమ్రాన్ మీర్జా పోస్టు చేశారు. వెలుగు జిలుగుల మధ్య వేదికపై తనదైన మేకప్ తో గ్లామరస్ గా సానియా అవార్డు అందుకుంది.ఈ అవార్డు పొందిన సానియాకు పలువురు అభిమానులు ప్రశంసించారు. ‘‘వావ్ కంగ్రాచ్చులేషన్స్ సానియామీర్జా’’ అంటూ పలువురు నెటిజన్లు ఆమెపై ప్రశంసల వర్షం కురిపించారు.