Telangana|హైదరాబాద్‌లో టెక్‌వేవ్ గ్లోబల్ డెవలప్‌మెంట్ సెంటర్‌

- అత్యాధునిక గ్లోబల్ డెవలప్‌మెంట్ సెంటర్‌ను తెలంగాణ ప్రభుత్వ సమాచార సాంకేతిక, ఎలక్ట్రానిక్స్, కమ్యూనికేషన్లు, పరిశ్రమలు, శాసనసభ వ్యవహారాల మంత్రి దుద్దిళ్ల శ్రీధర్ బాబు ప్రారంభించారు.

హైదరాబాద్‌లోని ఫైనాన్షియల్ డిస్ట్రిక్ట్‌లోని టెక్ పార్క్‌లో 100,000 చదరపు అడుగుల విస్తీర్ణంలో కొత్త అత్యాధునిక టెక్‌వేవ్ సదుపాయం అందుబాటులోకి వచ్చింది. దీంతో ఉద్యోగుల సంఖ్య 1,200 పెంచనుంది. కొత్త సదుపాయం టెక్‌వేవ్ డిజిటల్ పరివర్తన కార్యక్రమాలు, ప్రపంచ విస్తరణ వ్యూహాలకు ఉత్ప్రేరకం కానున్నాయి. సృజనాత్మకత, సహకారం మరియు ఉత్పాదకతను పెంపొందించడానికి రూపొందించిన అధునాతన సౌకర్యాలతో ఈ సెంటర్ సిద్ధంగా ఉంది.తెలంగాణ అభివృద్ధి చెందుతున్న ఐటి, ఇంజినీరింగ్ పురోగతికి ఇష్టపడే గమ్యస్థానంగా నిలిచింది.

తెలంగాణ 220కి పైగా గ్లోబల్ కెపాబిలిటీ సెంటర్‌లకు నిలయంగా ఉంది.ఈ సంఖ్యను పెంచడానికి చర్యలు తీసుకుంటున్నామని తెలంగాణ సమాచార సాంకేతిక, ఎలక్ట్రానిక్స్, కమ్యూనికేషన్స్, పరిశ్రమల శాఖ మంత్రి దుద్దిళ్ల శ్రీధర్ బాబు చెప్పారు. గ్లోబల్ ఎంటర్‌ప్రైజెస్‌ని ఆకర్షిస్తూ, ఆవిష్కరణలను ప్రోత్సహిస్తూ నైపుణ్యం కలిగిన వారికి ఈ సెంటర్ మూలస్తంభంగా ఉందని మంత్రి పేర్కొన్నారు.ఇన్నోవేషన్. స్కిల్లింగ్‌లో పెట్టుబడి పెట్టడం ద్వారా తాము సమతుల్య వృద్ధి సాధిస్తామన్నారు.టెక్‌వేవ్ కొత్త సదుపాయం ఈ ప్రయాణంలో ఒక ముఖ్యమైన అడుగు అన్నారు. ప్రపంచ డిజిటల్ ఆర్థిక వ్యవస్థలో తెలంగాణ కీలక పాత్ర పోషిస్తుందని మంత్రి వివరించారు.హ్యూస్టన్ లో ప్రధాన కార్యాలయం ఉన్న టెక్‌వేవ్ తెలంగాణలో 2,400 మంది, ఖమ్మం జిల్లాలో 500 మంది అసోసియేట్‌లను నియమించింది.