Telangana | నేటి నుంచి బీర్ల ధరలు పెంపు, కమిటీ సిఫార్సు అమలు

తెలంగాణ రాస్ట్రంలో ధరల స్థిరీకరణకు రిటైర్డు జడ్జి జైస్వాల్ ఆధ్వర్యంలో ధరల నిర్ణయ కమిటీని ప్రభుత్వం నియమించింది. ఈ కమిటీ తాజాగా నివేదికను రాష్ట్ర ప్రభుత్వానికి అందజేసింది. కమిటీ సిఫార్సు మేరకు బీర్ల ఉత్పత్తి దారులకు ప్రస్థుతం ఉన్న ఎమ్మార్పీ ధరపై 15 శాతం పెంచుతూ మంగళవారం నుంచి అమలులోకి తీసుకువచ్చింది.

బీర్ల ఉత్పత్తిలో తమకు ఎలాంటి లాభం లేకుండా పోయిందని, తాము బీర్ల ఉత్పత్తిని నిలిపివేస్తామని యూబీఐ కంపెనీ గతంలో ప్రకటించింది. దీంతో ప్రభుత్వం బీర్ల ధరల నిర్ణయం కోసం కమిటీని నియమించింది. తెలంగాణలోనే కాదు ఆంధ్రప్రదేశ్ రాష్ట్రంలోనూ బీర్ల ధరలు పెంచారు. వేసవి తాపానికి చల్లటి బీర్లు తాగి సేద తీరుదామనుకున్న మందుబాబులకు ఈ ధరల పెంపు షాక్ ఇచ్చింది. ధరల పెంపు, బకాయిల చెల్లింపులను పరిష్కరిస్తామని టీజీ బీసీఎల్ హామి ఇవ్వడంతో తాము బీరు సరఫరాను పునర్ ప్రారంభిస్తామని యూబీ గ్రూప్ తెలిపింది.