తెలంగాణ చండికాంబ గుడిమెట్టు శాసనం ఏమి చెబుతున్నది?

కొలనుపాక క్షేత్ర సందర్శన చేసిన కొత్త తెలంగాణచరిత్రబృందం కొలనుపాక సోమేశ్వరాలయ ప్రాంగణంలోని చండికాంబగుడి అంతరాళం మెట్టు మీద కాకతీయ శాసనాన్ని గుర్తించింది. శాసనం 13వ శతాబ్దపు తెలుగులిపిలో, తెలుగుభాషలో రాయబడ్డది. గుడిమెట్టుగా పెట్టినందువల్ల రెండువైపుల మాత్రమే శాసనం కనిపిస్తున్నది. శాసనంలో వరంగల్లు స్వయంభూదేవుని ఆరాధించే కాకతీయ మహారాజు గణపతిదేవుడు అనుమకొండపురవరేశ్వరునిగా పేర్కొనబడ్డాడని ఈ వివరాలను కొత్త తెలంగాణచరిత్రబృందం కన్వీనర్ శ్రీరామోజు హరగోపాల్ వెల్లడించారు..