Telangana CM | ప్రజలకు సీఎం రేవంత్ మూడు వరాలు, జనవరి 26 నుంచి అమలు

- వ్యవసాయ యోగ్యమైన భూములన్నింటికీ ఎలాంటి షరతులు లేకుండా ప్రతీ ఎకరానికి రైతు భరోసా అందించాలని నిర్ణయం తీసుకున్నామని, ప్రస్తుతమున్న రూ.10వేల రైతు భరోసాను రూ.12వేలకు పెంచుతూ నిర్ణయం తీసుకున్నామని సీఎం రేవంత్ రెడ్డి చెప్పారు.

- భూమిలేని వ్యవసాయ కూలీ కుటుంబాలకు ఏడాదికి రూ.12 వేలు ఆర్ధిక సాయం అందించాలని నిర్ణయం తీసుకున్నామని సీఎం చెప్పారు.భూమిలేని వ్యవసాయ రైతు కూలీలకు ప్రతీ ఏటా రూ.12 వేలు.. ఇందిరమ్మ ఆత్మీయ భరోసా పథకం పేరుతో భూమి లేని రైతుకూలీలకు ఇస్తామని చెప్పారు.

- రేషన్ కార్డు లేనివారికి నూతన రేషన్ కార్డులు ఈ నెల జనవరి 26వ తేదీ నుంచి ఇస్తామని సీఎం రేవంత్‌రెడ్డి ప్రకటించారు.మూడు పథకాలను జనవరి 26తేదీ నుంచి ప్రారంభిస్తామని సీఎం చెప్పారు. రాజ్యాంగం అమలు జరిగి 75 వసంతాలు పూర్తి చేసుకున్న సందర్బంగా ఈ పథకాలు అమలు చేయాలని నిర్ణయం తీసుకున్నామని సీఎం వివరించారు.

వ్యవసాయ యోగ్యం కాని భూములకు (మైనింగ్, కొండలు, గుట్టలు, రియల్ ఎస్టేట్ వెంచర్లు, రహదారులు, నివాస, పారిశ్రామిక, వాణిజ్యఅవసరాలకు ఉపయోగించే భూములు, నాలా కన్వర్టెడ్ భూములు, వివిధ ప్రాజెక్టులకు ప్రభుత్వం సేకరించిన భూములకు) రైతు భరోసా వర్తించదని సీఎం చెప్పారు.ప్రభుత్వ ఆదాయం పెంచడం, ప్రజలకు పంచడమే తమ ప్రభుత్వ విధానం అని ఆయన పేర్కొన్నారు.పంచాయతీరాజ్ గ్రామీణాభివృద్ధి శాఖలో 588 కారుణ్య నియామకాలకు క్యాబినెట్ ఆమోదించింది.ములుగు గ్రామపంచాయతీని ములుగు మున్సిపాలిటీగా మారుస్తూ కేబినెట్ ఆమోదం తెలిపింది.

Hon'ble Chief Minister Sri.A.Revanth Reddy's Media Conference at B. R. Ambedkar Telangana State Secretariat, Hyderabad

డాక్టర్ బీఆర్ అంబేద్కర్ రాష్ట్ర సచివాలయంలో ముఖ్యమంత్రి రేవంత్ రెడ్డి గారి మీడియా సమావేశం https://t.co/HOXEyO5Sws

— Telangana CMO (@TelanganaCMO) January 4, 2025