ఐఎఎస్‌లకు తెలంగాణ హైకోర్టు షాక్

తమను ఏపీకి కేటాయించడంపై హైకోర్టును ఆశ్రయించిన ఐఏఎస్‌ అధికారులకు హైకోర్టు షాక్ ఇచ్చింది.క్యాట్ తీర్పుపై పిటిషన్ సమర్పించిన ఐఎఎస్‌లపై తెలంగాణ హైకోర్టు కీలక వ్యాఖ్యలు చేసింది.ఐఎఎస్ లు అయినంత మాత్రాన వెంటనే స్టే ఇవ్వాలంటే ఎలా అని హైకోర్టు ప్రశ్నించింది.ఇలాంటి వ్యవహారంలో మేం జోక్యం చేసుకోమని హైకోర్టు స్పష్టం చేసింది.

- ఐఎఎస్‌ల నియమకాలను కోర్టులు నిర్ధారించలేవని జడ్జి పేర్కొన్నారు.ఇలాంటి వ్యవహారాల్లో జోక్యం చేసుకుంటే ముగింపు ఉండదని హైకోర్టు అభిప్రాయ పడింది. ‘‘ముందు మీరు వెళ్లి రిపోర్టు చేయండి’’ అని హైకోర్టు ఆదేశాలు జారీ చేసింది.

- ‘‘మీరంతా బాధ్యతాయుతమైన అధికారులు, ప్రజలకు ఇబ్బంది కలగనీయవద్దు...ఎవరు ఎక్కడ పనిచేయాలనేది కేంద్రం నిర్ణయిస్తుంది’’అని హైకోర్టు ధర్మాసనం వ్యాఖ్యానించింది.