పవన్ కు సవాలు విసిరిన తెలంగాణ ఎంఎల్ఏ
x
Pawan Kalyan

పవన్ కు సవాలు విసిరిన తెలంగాణ ఎంఎల్ఏ

రైతులు మాట్లాడిన మాటలకు, పవన్ చేసిన వ్యాఖ్యలకు అసలు సంబంధమేలేదు


ఏదో ఒక విషయంలో తెలంగాణ-ఏపీ మధ్య వివాదం రగులుతునే ఉండాలి లేకపోతే రెండురాష్ట్రాలకు దిష్టి తగులుతుందేమో. ఇపుడు విషయం ఏమిటంటే ఏపీ డిప్యుటి సీఎం, సినీనటుడు పవన్ కల్యాణ్ పైన ఉమ్మడి మహబూబ్ నగర్, జడ్చర్ల ఎంఎల్ఏ జనుపల్లి అనిరుధ్ రెడ్డి శనివారం మండిపోయారు. పవన్ కు జడ్చర్ల ఎంఎల్ఏ సవాలు విసిరారు. రాబోయే ఎన్నికల్లో ఏపీలో ఒంటరిగా పోటీచేసేంత దమ్ము పవన్ కుందా అని ఛాలెంజ్ చేశారు. ఒంటరిగా పోటీచేసి తనదమ్ము ఏమిటో పవన్ చూపించాలని ఎద్దేవా చేశారు.

ఇంతకీ పవన్ పైన అనిరుధ్ ఛాలెంజ్ చేయాల్సిన అవసరం ఏమొచ్చింది ? ఎక్కడ జడ్చర్ల ఎక్కడ పవన్ కల్యాణ్ ? విషయం ఏమిటంటే రెండురోజుల క్రితం పవన్ గోదావరి జిల్లా పర్యటనలో మాట్లాడుతు తెలంగాణ నరదిష్టి తగిలే కోనసీమలోని కొబ్బరిచెట్లు మాడిపోతున్నాయనే అసందర్భ వ్యాఖ్యలు చేశారు.


అక్కడి రైతులు లేవనెత్తిన సమస్యలకు, అడిగిన ప్రశ్నలకు సమాధానాలు చెప్పలేకపోయిన పవన్ వారినుండి తప్పించుకునేందుకు తెలంగాణ మీద అనవసరంగా నోటికొచ్చినట్లు మాట్లాడారు. రైతులు మాట్లాడిన మాటలకు, పవన్ చేసిన వ్యాఖ్యలకు అసలు సంబంధమేలేదు. కావాలనే తెలంగాణ నేతలను పవన్ గోకినట్లు అనిపించింది.


ఇంకేముంది వెంటనే తెలంగాణ బీఆర్ఎస్, కాంగ్రెస్ ప్రజాప్రతినిధులు గట్టిగానే రిటార్టిచ్చారు. ఇందులో భాగంగానే కాంగ్రెస్ ఎంఎల్ఏ శనివారం పవన్ పై సవాళ్ళు విసిరారు. అనిరుధ్ మీడియాతో మాట్లాడుతు హైదరాబాదులో పవన్ ఆస్తులు కొంటున్నారన్న ప్రచారం వాస్తవమేనా అని అడిగారు. కోనసీమకు తెలంగాణ దిష్టి తగిలిందని నోటికొచ్చినట్లు మాట్లాడిన పవన్ మళ్ళీ ఇపుడు ఏమొహంతో తెలంగాణలో ఆస్తులు కొంటాడని నిలదీశారు. తెలంగాణ ప్రజలంటే పవన్ కు అంతచిన్నచూపా అంటు మండిపోయారు.

ఏపీ అభివృద్ధిపై పవన్ కు నిజంగా చిత్తశుద్ది ఉంటే హైదరాబాదులోని తన ఆస్తులన్నింటినీ అమ్మేసి ఏపీలో కొనుక్కోవాలన్నారు. ఏపీ మీద ప్రేమ ఉన్న పవన్ హైదరాబాదులో కాకుండా విజయవాడలో నివాసం ఉండాలని చెప్పారు. మెగాస్టార్ చిరంజీవి తమ్ముడిగా కాకుండా సినిమాల్లోకి ఎలాగ ప్రవేశించారో చెప్పాలని డిమాండ్ చేశారు.


చిరంజీవి లేకపోతే సినిమాల్లో పవన్ను ఎవరూ పట్టించుకునే వారు కూడా ఉండేవారు కాదన్నారు. సింగిల్ గా పోటీచేసే దమ్ములేకే చంద్రబాబునాయుడుతో పొత్తుపెట్టుకుని 2024 ఎన్నికల్లో పోటీచేసిన పవన్ రాబోయే ఎన్నికల్లో ఒంటరిగా పోటీచేసేంత దమ్ముందా అని ఛాలెంజ్ చేశారు.

Read More
Next Story