రికార్డు స్థాయిలో మద్యం అమ్మకాలు.. ఫుల్ జోషల్‌లో మందుబాబులు..

తెలంగాణ మందుబాబులు ఫుల్ జోష్‌లో ఉన్నారు. వారిగి తాగుడు చూస్తే మద్యానికే మత్తెక్కేలా ఉంది. పండగ అన్న కారణాన్ని అడ్డుపెట్టుకుని మద్యాన్ని ఏరులా పారించారు. రాష్ట్రంలో ఈ నెల ప్రారంభం నుంచి చూసుకుంటేనే రికార్డ్ స్థాయిలో మద్యం అమ్మకాలు జరిగినట్లు అధికారిక లెక్కలు చెప్తున్నాయి. ఈ పది రోజులకు గానూ రాష్ట్రంలో రూ.1000 కోట్ల లిక్కర్ బిజినెస్ జరిగిందని గణాంకాలో చెప్తున్నాయి. బార్లు, వైన్ షాపుల్లో అమ్మకాలు ఆకాశమే హద్దుగా దూసుకెళ్లాయని, దీంతో రాష్ట్ర ఖజానాకు భారీగానే ఆదాయం చేకూరిందని చెప్తున్నారు అధికారులు. రాష్ట్రం మొత్తంలోకి అత్యధిక అమ్మకాలు హైదరాబాద్‌లోనే జరిగాయి. ఈ 10 రోజుల్లో రాష్ట్రంలో రూ.1000 కోట్ల విక్రయాలు జరగాయని అబ్కారీ అధికారులు వెల్లడించారు. అధికారుల చెప్పిన దాని ప్రకారం.. రాష్ట్రంలో పండగ వాతావరణ ఊహించిన దాని కంటే అధికంగా ఉంది. 11వ తేదీ వరకు రూ.1,057.42 కోట్లు విలువైన మద్యం అమ్ముడయింది. దాదాపు 10.44 లక్షల కేసుల మద్యం డిపోల నుంచి షాపులకు రావాణా అయినట్లు లెక్కలు చెప్తున్నాయి. ఎక్సైజ్ డిపోల నుంచి రూ.205.42 కోట్ల విలువైన మద్యం రీటైల్ షాపులకు చేరింది.

తగ్గేదేలా అంటున్న బీర్లు

కేవలం మద్యమే కాకుండా బీర్ల అమ్మకాలు కూడా రికార్డు స్థాయిలో జరిగినట్లు అధికారులుచెప్తున్నారు. ఈ నెల 10వ తేదీ ఒక్కరోజే 2 లక్షల కేసుల బీర్లు అమ్ముడైనట్లు సమాచారం. ఇది ఏడాది కాలంలోనే రికార్డు స్థాయి అమ్మకాలని ఎక్సైజ్ వర్గాలు అంటున్నాయి. సాధారణ రోజుల్లో ఒక్కరోజుకు రూ.100 కోట్ల విలువైన మద్యం అమ్ముడవుతుంది. లక్ష కేసుల వరకు బీర్లు అమ్ముడవుతాయి కానీ దసరా ధమాకాగా వీటి అమ్మకాలు ఆకాశమే హద్దుగా దూసుకెళ్తున్నాయి. ఈ రెండు రోజులు ఈ అమ్మకాలు మరింత అధికంగా ఉండొచ్చని అధికారులు అంచనా వేస్తున్నారు.

ఐదు రోజుల సగటు ఇలా..

ఈ ఐదు రోజుల సగటు మద్యం అమ్మకాలు చూసుకుంటే.. ఈ ఐదు రోజుల్లో 2లక్షల కేసుల బీర్లు, 1.20 లక్షల కేసుల లిక్కర్ అమ్ముడయింది. ఈ నెల 1వ తేదీ నుంచి చూసుకుంటే రాష్ట్రంలో రూ.852.38 కోట్లు విలువైన మద్యం అమ్ముడుపోయింది. ఇందులో 14.53 లక్షల కేసుల బీర్లు, 8.37 లక్షల కేసుల లిక్కర్ ఉందని అధికారిక లెక్కలు చెప్తున్నాయి. ఈ గణాంకాలను బట్టి చూస్తుంటే అక్టోబర్ నెలలో ఇప్పటి వరకు మందుబాబులు మహా ఎంజాయ్ చేశారని అర్థమవుతోంది.