గ్రూప్-1 జనరల్ ర్యాంకింగ్స్ వచ్చేశాయ్..
TGPSC Group-1 General Ranking Lisk Came Out
తెలంగాణ పబ్లిక్ సర్వీస్ కమిషన్ గ్రూప్-1 పరీక్షల జనరల్ ర్యాంకింగ్ జాబితాను అధికారులు ఆదివారం విడుదల చేశారు. c గతేడాది అక్టోబర్‌లో గ్రూప్-1 పరీక్షలు నిర్వహించిన టీజీపీఎస్సీ.. ఈ ఏడాది మార్చి 10న ప్రొవిజినల్‌ మార్కులు విడుదల చేసింది. తాజాగా జనరల్ ర్యాంకింగ్ జాబితాను అందుబాటులోకి తీసుకొచ్చింది. మీ ర్యాంక్‌ను తెలుసుకోవడానికి ఇక్కడ క్లిక్ చేయండి.
ఇదెలా ఉంటే గ్రూప్-1 ఫలితాల్లో అవకతవకలు జరిగాయంటూ అభ్యర్థులు మరోసారి హైకోర్టును ఆశ్రయించారు. గ్రూప్-1 పరీక్ష పేపర్ల మూల్యాంకనం అత్యంత లోపభూయిష్టంగా జరిగిందని వారు ఆరోపించారు. ఈ క్రమంలోనే గ్రూప్-1 పరీక్ష పత్రాలను రీవాల్యుయేట్ చేయించాలని కోరుతూ వారు మరోసారి తెలంగాణ హైకోర్టును ఆశ్రయించారు. ‘‘18 రకాల సబ్జెక్టులుంటే 12 సబ్జెక్టుల నిపుణులతోనే పేపర్లను దిద్దించారు. 3 భాషల్లో పరీక్ష జరిగినా తగిన నిపుణులతో దిద్దించలేదు. ఒకే మాధ్యమంలో నిపుణులైన వారితో తెలుగు, ఇంగ్లీష్ మీడియం పేపర్లు మూల్యాంకనం చేయించారు. అలా చేయడం వల్ల మూల్యాంకనంలో నాణ్యత లోపించింది. తెలుగు మీడియం అభ్యర్థులకు అన్యాయం జరిగింది" అని పిటిషనర్లు పేర్కొన్నారు.
