TGSRTC Electric Buses | హైదరాబాద్‌లో కొత్తగా 353 ఈ-బస్సులు

- కరీంనగర్, నిజామాబాద్, వరంగల్, నల్గొండ, సూర్యాపేటలలో 446 ఎలక్ట్రిక్ బస్సులను ప్రవేశపెడతామని తెలంగాణ రాష్ట్ర రోడ్డు రవాణా సంస్థ ప్రకటించింది.

కాంగ్రెస్ ప్రభుత్వం ఏర్పాటైన ఏడాది కాలంలో మహాలక్ష్మి పథకం కింద మహిళలు 116.13 కోట్ల ఉచిత రైడ్‌లు పొందారని,దీని ద్వారా కార్పొరేషన్‌కు రూ.3,913.81 కోట్ల ఆదాయం వచ్చిందని టీజీఎస్‌ఆర్‌టీసీ తన ప్రగతి నివేదికలో పేర్కొంది.టీజీఎస్‌ఆర్‌టీసీ బస్సు సర్వీసులను వినియోగించుకునే ప్రయాణికుల సంఖ్య రోజుకు 27 శాతం పెరుగుదలతో రోజుకు సగటున రూ.45 లక్షల నుంచి రూ.58 లక్షలకు ఆదాయం పెరిగింది. బస్సుల్లో మహిళా ప్రయాణికుల సంఖ్య 40 శాతం నుంచి 65 శాతానికి పెరిగిందని తెలిపింది.

ఏడాది కాలంలో 1389 కొత్త టీజీ ఆర్టీసీ బస్సులు ప్రారంభించారు.హైదరాబాద్‌-శ్రీశైలం రూట్‌లో 10 రాజధాని ఏసీ బస్సులు, హైదరాబాద్‌లో 75 డీలక్స్‌ బస్సులు, 125 మెట్రో డీలక్స్‌ బస్సులు, హైదరాబాద్‌, కరీంనగర్‌, 251 ఎలక్ట్రిక్‌ బస్సులను ప్రవేశపెట్టినట్లు కార్పొరేషన్‌ పేర్కొంది. ఆర్టీసీ ఉద్యోగుల సంక్షేమం కోసం రాష్ట్ర ప్రభుత్వం ఈ ఏడాది మేలో 21 శాతం ఫిట్‌మెంట్‌ను అమలు చేయగా 42,057 మంది ఉద్యోగులు, 11,014 మంది రిటైర్డ్ ఉద్యోగులకు లబ్ధి చేకూరిందని టీజీఆర్టీసీ పేర్కొంది.టీజీఆర్టీసీ ఉద్యోగి మరణిస్తే కోటి రూపాయల బీమా ఇస్తున్నట్లు పేర్కొంది. టీజీఆర్టీసీకి చెందిన 440 మంది ఉద్యోగుల అత్యుత్తమ పనితీరుకు అవార్డులు ప్రదానం చేశారు.

తార్నాకలోని టీజీఆర్టీసీ హాస్పిటల్ ను సూపర్ స్పెషాలిటీ హాస్పిటల్‌గా అప్‌గ్రేడ్ చేశారు.ఎమ్మారై, సీటీ స్కాన్, ఎమర్జెన్సీ వార్డులు, 24 గంటల ఫార్మసీ, ఫిజియోథెరపీ యూనిట్లు నిర్మించారు.కార్పొరేషన్‌లో ఉద్యోగాలకు సంబంధించి 12 ఏళ్ల తర్వాత ఇటీవల 3,038 పోస్టులు మంజూరుకాగా, ఖాళీగా ఉన్న 557 పోస్టులను కారుణ్య నియామకాల ద్వారా భర్తీ చేశారు.పెద్దపల్లి, ఏటూరునాగారంలో కొత్తగా రెండు బస్ డిపోలను ఏర్పాటు చేశారు. హుస్నాబాద్‌లోని బస్‌స్టేషన్‌ను సుందరీకరించడంతోపాటు జనగాంలోని ఒక డిపోను విస్తరించారు.హైదరాబాద్‌ను కాలుష్య రహిత మహానగరంగా తీర్చిదిద్దడంలో అవసరమైన నియమ నిబంధనలు, విధి విధానాలు తీసుకొస్తున్నామని ముఖ్యమంత్రి రేవంత్ రెడ్డి చెప్పారు.

హైదరాబాద్‌ను కాలుష్య రహిత మహానగరంగా తీర్చిదిద్దడంలో అవసరమైన నియమ నిబంధనలు, విధి విధానాలు తీసుకొస్తున్నామని ముఖ్యమంత్రి @revanth_anumula గారు చెప్పారు. కొన్నిసార్లు నియమ నిబంధనలు కఠిన తరమైనప్పటికీ వాటిని అమలు చేస్తామని, అందుకు అధికారులకు పూర్తి స్వేచ్ఛను ఇస్తామని అన్నారు.

♦️ “ఈ… pic.twitter.com/MmupzVs38E

— Telangana CMO (@TelanganaCMO) December 5, 2024