ఫేక్ ఐడిలతో టాలివుడ్ హీరోయిన్లు..!

జూబ్లిహిల్స్ ఉప ఎన్నికల నేపథ్యంలో టాలివుడ్ హీరోయిన్ల ఫోటోలు ఫేక్ ఓటర్ ఐడి లిస్టులోకనబడుతున్నాయి. తమన్నా, సమంత, రకుల్ ప్రీత్ సింగ్ ఫోటోలు ఓటర్ లిస్ట్ లో ఉన్నట్లు సోషల్ మీడియాలోవైరల్ అయ్యింది. ఓటర్ల జాబితాలో టాలివుడ్ హారోయిన్ల ఫొటోలు కనబడేసరికి హైదరాబాద్ ఎన్నికల అధికారులు ఎంక్వైరీ ప్రారంభించారు. అధికారులు రూపొందించిన జాబితాలో హీరోయిన్ల పేర్లు ఉన్నయా? లేవా? అనే కోణంలో కూడా అధికారులు ఆరా తీస్తున్నారు. జూబ్లిహిల్స్ నియోజకవర్గ ఓటర్ల జాబితాలో హీరోయిన్ల ఫోటోలను వేరే వోటర్ ఐడి కార్డులపై అతికించిన ఘటనలో పోలీసులకు ఫిర్యాదు అందింది. ఎవరి ప్రోద్బలంతో ఈ ఫేక్ ఐడి కార్డులు సోషల్ మీడియాలో వైరల్ అవుతున్నాయని ఆరా తీస్తున్నారు. ఏ రాజకీయ పార్టీకి ఏ అధికారులు సహకరిస్తున్నారో అనే విషయాలు తెలియాల్సి ఉంది.