ఆ రెండు పార్టీలు దేశాన్ని అంధకారంలోకి నెట్టాయి: ప్రధాని మోదీ

ప్రతిపక్ష కాంగ్రెస్, తమిళనాడులో అధికారంలో ఉన్న డీఎంకే పై ప్రధాని మోదీ మరోసారి నిప్పులు చెరిగారు. దేశాన్ని దశాబ్దాల పాటు ఈ రెండు పార్టీలు అజ్ఞానంలో ఉంచాయని మండిపడ్డారు. మహిళలను అవమానించడం ఆ పార్టీ సంస్కృతి అంటూ దుమ్మెత్తి పోశారు. తమిళనాడులో అధికారంలో ఉన్న ఓ పార్టీకి అవినీతి విషయంలో ఫ్యామిలి పేటెంట్ రైట్ ఉందని పరోక్షంగా డీఎంకే ను ఉద్దేశించి విమర్శించారు. పార్టీ అధ్యక్షుడి నుంచి అందరూ దోచుకునే విషయంలో ఆరితేరారని ఆరోపించారు. వారికి మొదటి కుటుంబం తరువాత ప్రజలని చురకలంటించారు.