నిస్సందేహంగా ఇది మహిళల సంపూర్ణ విజయమే..

న్యాయం కావాలని పట్టుబడితే ఫెమినిస్టులు, ఫెమినిచీలు, ఫిష్ ఫ్రై ఫెమినిస్టులు అని ముద్ర వేశారు. ఉన్నవి లేనివి కలిపి సోషల్ మీడియాలో ట్రోల్ చేశారు. కేరళ సినీప్రపంచంలో దశాబ్దాలుగా పాతుకుపోయి, వ్యవస్థీకృతం అయిన క్యాస్టింగ్ కౌచ్ ను మహిళా నటులు ప్రశ్నించడం ప్రారంభించడంతో ఇలాంటి సత్కారాలు లభించాయి.

అయినా వారు భయపడలేదు. న్యాయం కోసం గొంతెత్తడంతో ప్రభుత్వం సైతం స్పందించక తప్పనిపరిస్థితిని తెచ్చారు. సినీ ప్రపంచంలో మహిళపై జరుగుతున్న అణిచివేత, లైంగిక వేధింపులపై ప్రభుత్వం హేమ కమిటీని నియమించింది.