జూన్ 3న కర్ణాటకలోని హసన్‌లో ఏం జరగబోతోంది?
కర్ణాటకలోని హసన్ నియోజకవర్గంలో ఎందుకు 10 వేల మంది నిరసన తెలపబోతున్నారు? జేడీ(ఎస్) ఎంపీ ప్రజ్వల్‌కు, ఈ నిరసన ప్రదర్శనకు లింకేంటి?
పలువురిపై లైంగిక వేధింపుల ఆరోపణలను ఎదుర్కొంటున్న జనతాదళ్ (సెక్యులర్) ఎంపీ ప్రజ్వల్ రేవణ్ణను అరెస్టు చేయడంలో ఉదాసీనతను నిరసిస్తూ.. జూన్ 3న హసన్ నియోజకవర్గంలో 10వేల మందితో నిరసన ప్రదర్శన చేపట్టబోతున్నారు. రేవణ్ణను భారత్‌కు రప్పించడంలో కేంద్ర, రాష్ట్ర ప్రభుత్వాలు విఫలమయ్యాయని ఈవెంట్ నిర్వాహకులు అంటున్నారు.
నిరసన ప్రదర్శన పేరేంటి?
ప్రజ్వల్ బాధితులకు మద్దతుగా ‘హాసన్ వైపు నడవండి’ పేరుతో చేపడుతున్న ఈ నిరసన ప్రదర్శనలో దళితులు, కార్మికులు, రైతులు, విద్యార్థులు, యువకులు, వెనుకబడిన తరగతులు, మైనారిటీలు, గిరిజనులకు ప్రాతినిధ్యం వహించే సంస్థల సభ్యులు పాల్గొంటున్నారు. ఆలోచనాపరులు, రచయితలు, మేధావులు, కళాకారులు, రిటైర్డ్ ప్రభుత్వ అధికారులు హాజరయ్యే అవకాశం ఉంది.
నెల రోజులుగా పరారీలో ఉన్న రేవణ్ణ.. మే 31న బెంగళూరుకు వస్తానని, తనపై వచ్చిన ఆరోపణలపై విచారణ చేపడుతున్న ప్రత్యేక దర్యాప్తు బృందం (సిట్) ముందు హాజరవుతానని మే 27 ఓ వీడియోను విడుదల చేశారు. ఆ తర్వాతే హాసన్‌లో ఆయనకు వ్యతిరేకంగా పెద్దఎత్తున నిరసన తెలపాలని నిర్ణయం తీసుకున్నారు.
ఎవరు పాల్గొంటున్నారు?
ఈ నిరసన ప్రదర్శనలో సీపీఐ(ఎం) నాయకురాలు సుభాషిణి సెహగల్, అఖిల భారత ప్రజాస్వామ్య మహిళా సంఘం మాజీ అధ్యక్షురాలు, పౌరహక్కుల కార్యకర్త ఎస్‌ఆర్‌ హిరేమఠ్‌, సీఐటీయూ కర్ణాటక అధ్యక్షురాలు వరలక్ష్మి, అఖిల భారత జనవాది మహిళా సంఘం రాష్ట్ర అధ్యక్షురాలు డాక్టర్‌ మీనాక్షి బాలి తదితరులు పాల్గొంటారు. , మరియు రచయితలు కె నీల, బంజగెరె జయప్రకాష్, హెచ్ఎస్ రామచంద్ర గౌడ, సబిహా భూమి గౌడ మరియు మావల్లి శంకర్ పాల్గొననున్నారు.
రచయిత్రి, సామాజిక కార్యకర్త కె నీల ది ఫెడరల్‌తో ఇలా అన్నారు "ఒక నిందితుడు తన ఇష్టానుసారం దేశం విడిచిపెట్టి వెళ్లారు. ఎప్పుడు అరెస్టు చేయాలో అతనే నిర్ణయిస్తాడు. ఇది ఎలాంటి ప్రజాస్వామ్యం? నిందితుడి తాత, మాజీ ప్రధాని హెచ్‌డి దేవెగౌడ తన మనవడికి 'ప్రేమలేఖ' పంపాడు. ప్రభుత్వాలు అతని పాస్‌పోర్ట్‌ను రద్దు చేసి అతని బ్యాంకు ఖాతాలను ఫ్రీజ్ చేయాలి. కానీ అవేమీ చేయలేదు.’’
మరో కార్యకర్త మీనాక్షి బాలి మాట్లాడుతూ.. "రాష్ట్ర ప్రభుత్వం ఆలస్యం చేయడం వల్ల రేవణ్ణ దేశం నుంచి పారిపోయాడు. అతని పాస్‌పోర్ట్‌ను కేంద్రం రద్దు చేసి ఉండాలి. తీవ్ర లైంగిక ఆరోపణలు ఎదుర్కొంటున్న వ్యక్తిని వీలైనంత త్వరలో అరెస్టు చేయకపోవడం ప్రభుత్వాల ఉదాసీనతకు అద్దం పడుతోంది.
"ఇక్కడ జరిగే విషయాలను ప్రజ్వల్‌కు ఎప్పటికపుడు చేరవేస్తున్నారు. ఏం చేయాలో కూడా గైడ్ చేస్తున్నారు.’’అని పేర్కొన్నారు.
