లోక్ సభ ఎన్నికలు: గుజరాత్ లో బీజేపీ దూకుడు, బనస్కాంతలో గెలిచిన..
సార్వత్రిక ఎన్నికల ఫలితాల్లో వెలువడుతున్న ఫలితాల్లో బీజేపీ దూకుడు కనపరుస్తోంది. ముఖ్యంగా గుజరాత్ ఆ పార్టీ 23 స్థానాల్లో ఆధిక్యంలో కొనసాగుతోంది.
సార్వత్రిక ఎన్నికల ఫలితాల్లో భాగంగా గుజరాత్ లో అధికారంలో ఉన్న బీజేపీ దూసుకుపోతోంది. అయితే బనస్కాంత, పటాన్ లలో కాంగ్రెస్ అభ్యర్ధులో ముందంజలో ఉన్నారు. ఓట్ల లెక్కింపు సందర్భంగా రాష్ట్రంలోని 25 లోక్‌సభ స్థానాలకు గాను 23 స్థానాల్లో ఆధిక్యంతో గుజరాత్‌లో బీజేపీ విజయం దిశగా దూసుకుపోతోంది.
తాజాగా అందుతున్న సమాచారం ప్రకారం బనస్కాంత, పటాన్ స్థానాల్లో కాంగ్రెస్ స్వల్ప ఆధిక్యం సాధించింది. బనస్కాంత స్థానంలో కాంగ్రెస్ అభ్యర్థి జెనిబెన్ ఠాకూర్ 155 ఓట్ల స్వల్ప ఆధిక్యంతో ఆధిక్యంలో ఉన్నారు. మధ్యాహ్నం 12.30 గంటల వరకు బీజేపీ అభ్యర్థి రేఖా చౌదరికి 3,19,783 ఓట్లు రాగా, ఠాకూర్‌కు 3,19,938 లక్షల ఓట్లు వచ్చాయి.
వావ్ స్థానం నుంచి కాంగ్రెస్ సిట్టింగ్ ఎమ్మెల్యే ఠాకూర్‌ను లోక్‌సభ స్థానానికి పార్టీ అభ్యర్థిగా నిలిపారు. మరోవైపు, విద్యావేత్త అయిన చౌదరి తన మొదటి ఎన్నికల్లో పోటీ చేస్తున్నారు. పటాన్ స్థానంలో కాంగ్రెస్ అభ్యర్థి చందన్‌జీ ఠాకూర్ బీజేపీ ప్రత్యర్థిపై 5,046 ఓట్ల ఆధిక్యంలో ఉన్నారు. బీజేపీ అభ్యర్థి భరత్‌సింగ్ దాభికి 3,07,400 ఓట్లు రాగా, ఆయనకు 3,12,446 ఓట్లు వచ్చాయి.
ఠాకూర్ సిద్ధ్‌పూర్ నియోజకవర్గం నుంచి ఇంతకుముందు కాంగ్రెస్ నుంచి ఎమ్మెల్యేగా ఎన్నికయ్యారు. అయితే 2022 అసెంబ్లీ ఎన్నికల్లో ఓటమి పాలయ్యారు. మిగిలిన 23 స్థానాల్లో ఓట్ల లెక్కింపులో బీజేపీ అభ్యర్థులు ఆధిక్యంలో ఉన్నారు.
షా, మాండవ్య..
కేంద్ర హోంమంత్రి, గాంధీనగర్ నుంచి బీజేపీ అభ్యర్థి అమిత్ షా 4.82 లక్షల ఓట్ల ఆధిక్యంలో ఉండగా, రాష్ట్ర బీజేపీ అధ్యక్షుడు సీఆర్ పాటిల్ నవ్సారిలో 4.67 లక్షల ఓట్ల ఆధిక్యంలో ఉన్నారు. కేంద్ర మంత్రి మన్సుఖ్ మాండవియా పోర్‌బందర్‌లో 3.60 లక్షల ఓట్ల ఆధిక్యంలో ఉండగా, ఆయన సహచరుడు పర్షోత్తమ్ రూపాలా రాజ్‌కోట్‌లో 3.52 లక్షల ఓట్ల ఆధిక్యంలో ఉన్నారు.
గుజరాత్‌లోని 26 స్థానాల్లో సూరత్‌ను బీజేపీ పోటీ లేకుండా గెలుచుకుంది. ప్రతిపాదకుల సంతకంలో అవకతవకలపై కాంగ్రెస్‌కు చెందిన నీలేష్ కుంభానీ నామినేషన్ తిరస్కరించడంతో, ఎన్నికలకు ముందు ఇతర అభ్యర్థులు ఉపసంహరించుకోవడంతో బిజెపి అభ్యర్థి ముఖేష్ దలాల్ ఈ స్థానంలో అనూహ్యంగా విజయం సాధించారు. గుజరాత్‌లో మే 7న ఒకే దశలో ఎన్నికలు జరిగాయి.
Next Story
