‘‘కాంగ్రెస్ వల్లే ముస్లింలు ఎంఐఎంకు చేరువ’’

ఎన్నికల్లో తరుచుగా తమకు పోటీగా నిలుస్తున్న ఎంఐఎంపై కాంగ్రెస్ పార్టీ నేతలు అసహనం వ్యక్తం చేస్తున్నారు. తాజాగా మహారాష్ట్రకు చెందిన కాంగ్రెస్ మైనారిటీ సెల్ నాయకుడు హుస్సేన్ దల్వాయి ఎంఐఎంను బీజేపీ ‘బీ’ గా అభివర్ణించారు.

అదే సమయంలో సొంత పార్టీపై కూడా విమర్శలు గుప్పించారు. ఇటీవలి మహారాష్ట్ర మున్సిపల్ ఎన్నికలలో అసదుద్దీన్ ఒవైసీ నేతృత్వంలోని పార్టీ విజయానికి కాంగ్రెస్ ముస్లింలతో దృఢంగా నిలబడకపోవడమే కారణమని అన్నారు.

మాజీ రాజ్యసభ సభ్యుడు అయిన దల్వాయి జాతీయ మీడియాతో మాట్లాడుతూ.. బీజేపీ, ఆర్ఎస్ఎస్ నాయకులు ముస్లింలను లక్ష్యంగా చేసుకున్నప్పుడు కాంగ్రెస్ ముస్లింలకు మద్దతు ఇవ్వడం లేదని కనిపించడం వల్లే ఎఐఎంఐఎం గణనీయమైన ఓట్లను సాధిస్తోందని అన్నారు.