‘మహా సర్కార్’ లో లుకలుకలు.. బీజేపీ మంత్రిపై, షిండే గ్రూపు విమర్శలు

మహారాష్ట్ర లో అధికారంలో ఉన్న కూటమి ప్రభుత్వంలో లుకలుకలు బయటపడుతున్నాయి. ఎన్నికలు సమీపిస్తున్న వేళ శివసేన షిండే గ్రూపుకు చెందిన నాయకుడు, బీజేపీ నాయకుడిపై విమర్శలు చేయడంతో వివాదం రాజుకుంది. దీనిపై మహారాష్ట్ర ఉపముఖ్యమంత్రి దేవేంద్ర ఫడ్నవీస్ కౌంటర్ ఇచ్చారు.

వివారాల్లోకి వెళితే.. ముంబై - గోవా రహదారి వర్షాలకు తీవ్రంగా గుంతలు పడి ఉంది. ప్రస్తుతం ఈ శాఖ మంత్రిగా బీజేపీకి చెందిన రవీంద్ర చవాన్ ఉన్నారు. ఆయన పనికి రాని మంత్రి అని శివసేన నాయకుడు రాందాస్ కదమ్ సోమవారం విమర్శించారు. ఈ వ్యాఖ్యలపై కలకలం రేగింది. వెంటనే స్పందించిన ఉపముఖ్యమంత్రి ఫడ్నవీస్.. ఈ వ్యాఖ్యలు మహాయుతి కూటమి సూత్రాలకు అనుగుణంగా ఉన్నాయా? అని ప్రశ్నించారు.