‘‘రాష్ట్రపతిని మీరే అవమానించారు.. కాదు మీరే అవమానించారు’’

పశ్చిమ బెంగాల్‌లో రాష్ట్రపతి ద్రౌపది ముర్ము ఇటీవల పర్యటన సందర్భంగా టీఎంసీ ప్రభుత్వం ప్రోటోకాల్ ఉల్లంఘించిందనే ఆరోపణలపై అధికార టీఎంసీ, ప్రతిపక్ష బీజేపీ మధ్య మాటల యుద్ధం కొనసాగుతోంది. రాష్ట్రపతిని టీఎంసీ అగౌరవపరిచిందనే మాటలను తోసిపుచ్చుతూ, బీజేపీ ఇది వరకూ చేసిన వాటి ఫొటో ఆధారాలను బయటపెట్టింది. దీనికి కౌంటర్ గా బీజేపీ కూడా పలు వీడియోలను వదిలిపెట్టింది.

తృణమూల్ కాంగ్రెస్ అధినేత్రి, పశ్చిమ బెంగాల్ ముఖ్యమంత్రి మమతా బెనర్జీ అధ్యక్షుడు ముర్మును అగౌరవపరిచిందని ప్రధానమంత్రి నరేంద్ర మోదీ మొన్న ఆరోపించారు. దీనికి కౌంటర్ గా టీఎంసీ ఎల్ కే అద్వానీ తో పాటు మోదీ కూర్చున్నట్లు ఉన్న వీడియోను బయటకు తీసింది. ఇందులో రాష్ట్రపతి ముర్ము చేతులు కట్టుకుని నిల్చున్నారు. దీనికి కౌంటర్ గా బీజేపీ కూడా మార్చి 31, 2024 నాడు అద్వానికి భారత రత్న ప్రధానం చేసిన కార్యక్రమానికి సంబంధించిన వీడియోలో సమాధానం ఇచ్చింది.