కోచ్ గౌతమ్ గంభీర్
దక్షిణాఫ్రికాతో సిరీస్ పరాజయం భారత్ కు మేల్కొలుపు వంటిదా?
టెస్ట్ క్రికెట్ మూలాలను పునర్మించుకోవాల్సిన అవసరం ఉందా?
సిద్ధార్థ్ మహాన్
మనవి కానీ రోజులలో కొన్నిసార్లు కఠినమైన ప్రశ్నలు ఎదుర్కొని వాటికి సమాధానాలు వెతకాల్సిన అవసరం ఏర్పడుతుంది. అలాంటి ప్రశ్నలే టెస్ట్ క్రికెట్ లోనూ వచ్చాయి. మొన్నటి మొన్న గౌహతిలో దక్షిణాఫ్రికాతో జరిగిన రెండో టెస్ట్ లో భారత్ ఇన్నింగ్స్ ఓటమి, టెస్ట్ క్రికెట్ చరిత్రలో రెండో అతిపెద్ద ఓటమి.
ఈ పతనం భారతీయ టెస్ట్ క్రికెట్ పతనం ఏ స్థాయిలో ఉందో తెలియజేస్తుంది. చెత్త సెలక్షన్, వైఫల్యాలు అనే పదాలు కూడా ఈ ఓటమికి సరిపోదని అనిపిస్తోంది. ఇది కేవలం లొంగిపోవడం కాదు, లోతైన లోపాలను ఆవిష్కరించింది. టెస్టు క్రికెట్ లో భారత్ దృఢంగా ఉందనేది గతానికి సంబంధించిన విషయంగా మారిపోయింది.
మన జట్టు టెస్ట్ క్రికెట్ లో గుర్తింపును మెల్లమెల్లగానే అయిన బలంగానే నిర్మించుకుంది. అసాధారణ ఆధిపత్యంతో స్వదేశంలో తన కోటను కాపాడుకోగలిగింది. గట్టి ఆశయాలతో విదేశాలలో ప్రయాణించి తన గుర్తింపు కాపాడుకుంది.
ఇప్పుడు ఆ రికార్డు బద్దలైంది. ఒక్క సంవత్సరంలోనే రెండు జట్లతో రెండు సార్లు క్లీన్ స్వీప్ కు గురైంది. గత రెండు దశాబ్ధాలలో ఇది ఒక్కసారి కూడా జరగలేదు. గౌహతి ఓటమి షాక్ కలిగించలేదు కానీ, మెల్లమెల్లగా పతనం వైపుగా పయనిస్తోంది.
గంభీర్ వారసత్వం..
భారత్ వరసుగా రెండు టెస్ట్ సిరీస్ లలో వైట్ వాష్ కు గురవడం చీఫ్ కోచ్ గంభీర్ పై విమర్శలు వచ్చాయి. అతని దృక్ఫథం, కఠిన వైఖరి, రోహిత్, కోహ్లీ, అశ్విన్ రిటైర్మెంట్, యువకుల రాక, జట్టులో అసమతుల్యత ఇవన్నీ పరిశీలనకు గురయ్యే అంశాలు. అయితే ఈ పరాజయాలకు గంభీర్ ను బాధ్యుడిని చేయడం అంటే.. అంతకుముందున్న జట్టు లోపాలను విస్మరించడమే. గంభీర్ కు కు స్థిరమైన జట్టును వారసత్వంగా రాలేదు.
అనేక ఫార్మాట్ లు..
అందరికి అర్థమయ్యే విషయం ఏంటంటే.. భారత టెస్ట్ క్రికెట్ సమస్య కేవలం కోచ్ మీద లేదే. టెస్ట్ క్రికెట్ ఏమి కోరుకుంటుందో దాన్ని ఆ వ్యవస్థ మర్చిపోయింది. సంవత్సరాలుగా భారత్ రెడ్ బాల్ క్రికెట్ ను సరిగా పట్టించుకోవట్లేదు.
సర్ఫరాజ్ ఖాన్, అభిమన్యు ఈశ్వరన్, ప్రియాంక్ పంచల్ వంటి ఆటగాళ్లను పక్కన పెట్టి, ఐపీఎల్ ఆధారంగానే ఆటగాళ్లను ఎంపిక చేస్తున్నారు. షమీ లాంటి ఆటగాళ్లు గాయపడిన తరువాత రెడ్ బాల్ క్రికెట్ లో నిరూపించుకున్న తరువాత కూడా వారిని తిరిగి జట్టులోకి తీసుకోలేదు.
సెలెక్టర్లు అనేక ఫార్మాట్ లో ఆడే ఆటగాళ్లు, స్పెషలిస్ట్ లు, స్థిరత్వం, లెప్ట్ రైట్ కాంబినేషన్ అంటూ ఆటగాళ్లను ఎంపిక చేస్తున్నారు. ఇది ఒక టీ20 ఫజిల్ లాగా మారిపోయింది.
గౌహతిలోనూ ఈ గందరగోళం కనిపించింది. ప్రపంచంలో ఏ జట్టు కూడా తన బలాలను అంచనా వేయకపోతే అది బలంగా కాకుండా బలహీనతగా మారుతుంది. స్వదేశంలో జరిగిన టెస్ట్ సిరీస్ లో ఐదుగురు ఆల్ రౌండర్లను ఎంపిక చేసింది.
ఇక్కడ ఎంపిక, ప్రణాళికలలో లోపం కనిపించింది. భారత టాప్ ఆర్డర్ తో సహ బ్యాట్స్ మెన్, బౌలింగ్ విభాగం ఘోరంగా విఫలమైంది. ఏ జట్టు కూడా తమ దేశవాళీ క్రికెట్ ఘోరంగా విఫలమైతే తప్ప ఇంతలా ఓటమి బాట పట్టదు. స్వదేశంలో సిరీస్ లనే వైట్ వాష్ కు గురవ్వదు.
ఐపీఎల్ పైనే దృష్టి
నిశ్శబ్దంగా అనేక సంఘటనలు జరుగుతున్నాయి. ఇండియా ‘ఏ’ పర్యటనలు క్రమంగా తగ్గుతున్నాయి. ఎర్రబంతితో బాగా ఆడటం ఇక నుంచి జట్టు ఎంపికకు ప్రామాణికం కాదు.
వైట్ బాల్ ఆడటం, అన్నింటికంటే మిన్న ఐపీఎల్ లో బాగా ఆడితే సరిపోతుంది. ఫస్ట్ క్లాస్ క్రికెట్ కూడా ప్రామాణికం కాదని అనిపిస్తోంది. సుదీర్ఘంగా క్రీజులో ఉండకుండా, బలంగా బంతిని బాదే వాళ్లకు ప్రాధాన్యం దక్కుతోంది. దీనికి వారిని నిందించకూడదు. టెస్ట్ క్రికెట్ వారికి దూరపు బంధువు. తమ కుటుంబంలోని వ్యక్తి కాదు.
గంభీర్ పాత్ర..
జట్టు దూకుడుగా ఆడటం, సరిగా నప్పని జట్టును ఎంపిక చేయడం, మితిమీరిన ఆల్ రౌండర్లు ఇవన్నీ గంభీర్ చేస్తున్న తప్పులు. జాగ్రత్తగా సమయంలో అతను వేగంగా ముందుకు అడుగులు వేస్తూ జట్టు ఆత్మస్థైర్యాన్ని దెబ్బతీస్తున్నాడు. ఇది కంటెంట్ కంటే వేగాన్ని, బ్రాండ్ కంటే గ్రైండ్ కు విలువ ఇవ్వడం వల్లే వచ్చిందను కోవాలి.
సంధికాలం.. పునర్జీవనం..
టెస్ట్ క్రికెట్ నుంచి సీనియర్లు వైదొలగడం యువత రావడం సంధికాలంగా చెప్పవచ్చు. పునర్జీవనం ఎక్కడ నుంచి ప్రారంభం కావాలి. తొలగింపలతో, భయాందోళనలతో కాకుండా నిర్మాణాత్మక నిజాయితీతో జట్టు ప్రయాణం ప్రారంభం కావాలి.
టెస్ట్ జట్టు ఎంపిక ఐపీఎల్ మీద కాకుండా రెడ్ బాల్ నైపుణ్యం మీద ఆధారపడి ఉండాలి. రంజీలో పరుగులు ప్రామాణికం కావాలి. దేశీయ వికెట్లు ముఖ్యం, సగటులు, సామర్థ్యం రెండో శ్రేణిలో ఉండకూడదు.
రెండోది ఇండియా ‘ఏ’ పర్యటనలు తరుచుగా ఒక లక్ష్యంతో సాగాలి. ప్రతి విజయవంతమైన టెస్ట్ జట్టు ముఖ్యంగా ఆస్ట్రేలియా, ఇంగ్లాండ్, న్యూజిలాండ్ కూడా తమ జట్టును ఎంపిక చేయడానికి దాని ఏ జట్టు పర్యటనలను ఉపయోగించుకుంటుంది. భారత్ కూడా ఇంతకుముందు ఇలాగే చేసేది. కానీ ఐపీఎల్ రాకతో అన్ని ఫార్మాట్ లు గందరగోళంగా మారాయి.
మూడోది జట్టులో ఆటగాళ్ల పాత్రపై స్పష్టత. టాప్ సిక్స్ లో ఉన్న ప్రతి ఒక్కరూ స్ట్రోక్ ప్లేయర్ కావాల్సిన అవసరం లేదు. ప్రతి జట్టులో 8 వ ఆటగాడు కూడా బ్యాటింగ్ చేయనవసరం లేదు. ప్రతి ఆటగాడు అన్ని ఫార్మాట్లకు సిద్దంగా ఉండాల్సిన అవసరం లేదు. టెస్ట్ క్రికెట్ లో గందరగోళం పనికిరాదు. సమతుల్యత ముఖ్యం.
నాల్గవది వ్యక్తిగత కెప్టెన్లు, కోచ్ ల కంటే మెరుగైన టెస్ట్ క్రికెట్ బ్లూప్రింట్ ఉండాలి. ఎవరైన పదవీ విరమణ చేసినా, కొత్త కోచ్ వచ్చిన భారత్ వ్యూహాం మారకుండా, కింది నుంచి పునర్మించాలనే విధానం ఉండరాదు. వ్యవస్థలు మాత్రమే గెలుస్తాయి. వ్యక్తిత్వాలు మార్గనిర్దేశనం చేస్తాయి.
దక్షిణాఫ్రికా రోడ్ మ్యాప్..
భారత్ తాజాగా ఇలాంటి పరిస్థితిని ఎదుర్కొంటుంటే.. ఇలాంటి పరిస్థితి నుంచి దక్షిణాఫ్రికా కొన్నాళ్ల క్రితం ఎదుర్కొంది. ఆటగాళ్ల నిష్క్రమణ, ఆర్థిక ఇబ్బందులు ఆ దేశాన్ని క్షీణిస్తున్న టెస్ట్ క్రికెట్ దేశంగా చూశారు.
వారికి సూపర్ స్టార్ కల్చర్ లేదు. పెద్ద పేరున్న ఆటగాళ్లు లేరు.. వనరులు లేవు. అయినప్పటికీ ప్రోటీస్ నేడు టెస్ట్ క్రికెట్ ఛాంపియన్లు. ప్రస్తుత డబ్ల్యూటీసీ చక్రంలో అగ్రస్థానంలో ఉన్నారు. వారి సంధిదశ మాయాజాలం కాదు.. అది వారి పద్దతి.
రెండ్ బాల్ ఆడేవారిని రెట్టింపు చేసి టెస్ట్ క్రికెట్ ఆడేవారిని క్యాలెండర్ ప్రకారం తీర్చిదిద్దారు. ఇది వారి తదుపరి తరాన్ని హైలైట్ చేసింది. వారు పేరు ప్రఖ్యాతుల కోసం కాకుండా ఆటగాళ్లను ఎంచుకున్నారు. టెస్ట్ క్రికెట్ ఎల్లప్పుడూ ప్రతిఫలమిచ్చేదని వారు గ్రహించి, అదే చేశారు.
అన్నింటికంటే ముఖ్యంగా దక్షిణాఫ్రికా తమలో ఇంకా పోరాడే సామర్థ్యం ఉన్న కొద్దిమంది సీనియర్ ఆటగాళ్లను నిలుపుకుంది. అందులో బౌలర్లు, బ్యాటర్లు ఉన్నారు. వారికి యువ బ్యాటర్లు తోడుగా ఉన్నారు.
భారత్ కు మేల్కోలుపు పిలుపు..
భారత్ వేగంగా చర్యలు తీసుకోవాల్సిన అవసరం ఏర్పడింది. ప్రణాళిలు వేయడం ప్రారంభించాలి. నిజం ఏంటంటే భారత్ లో ఇంకా విశేష ప్రతిభ ఉంది. అభిమానులలో టెస్ట్ క్రికెట పట్ల మక్కువ చచ్చిపోలేదు. కేవలం కథాంశాలను మాత్రమే కోల్పోయింది.
నిర్మాణం, ఉద్దేశం, గుర్తింపును తీసుకువస్తే పునర్జీవనం సాధ్యమే. దక్షిణాఫ్రికా, న్యూజిలాండ్ సిరీస్ నిజమైన మేల్కోలుపు. అవి మళ్లీ జారకుండా ఉండాలంటే మన క్రికెట్ పెద్దలు ఏం నిర్మిస్తున్నారనే దానిపైనే ఆధారపడి ఉంది. ఎవరూ ఎవరిని నిందిస్తున్నారనే దానిపై కాదు.
Next Story