భారత్- పాకిస్తాన్ మ్యాచ్ కు వర్షం ముప్పు ఉందా?

కొలంబో వేదికగా ఈ రోజు సాయంత్రం భారత్- పాకిస్తాన్ మధ్య మ్యాచ్ జరగనుంది. అయితే వాతావరణ శాఖ నివేదిక ప్రకారం ఈ మ్యాచ్ కు దాదాపు 70 శాతం వర్షం ముప్పు ఉంది. ఇందుకు తగ్గట్లే నిన్న మొత్తం కొలంబోలో వర్షం కురిసింది. ఆకాశం మబ్బు పట్టి ఉంది.

అయితే ఇప్పుడు క్రికెట్ అభిమానులకు ఓ శుభవార్త . నివేదికల ప్రకారం, కొలంబోలో ఆకాశం మేఘావృతమై ఉంటుందని, కానీ వర్షం ఉండకపోవచ్చని శ్రీలంక వాతావరణ శాఖ తెలిపింది.

మరోవైపు, దేశంలోని తూర్పు, దక్షిణ ప్రావిన్సులలో కొన్ని ప్రాంతాల్లో భారీ వర్షం పడే అవకాశం ఉంది. అయితే, పశ్చిమ ప్రావిన్స్‌లో ఉన్న కొలంబో రాత్రిపూట పొగమంచుతో కూడిన పొడి వాతావరణం ఉంటుందని భావిస్తున్నారు.

అభిమానులు ఆసక్తిగా ఎదురుచూస్తున్న భారత్ vs పాకిస్తాన్ T20 ప్రపంచ కప్ మ్యాచ్ సాయంత్రం 7 గంటలకు (స్థానిక సమయం మరియు IST) ప్రారంభం కానుంది, ఆదివారం (ఫిబ్రవరి 15) సాయంత్రం 6.30 గంటలకు టాస్ వేస్తారు.