మీ సంతోషాన్ని మా దేశంలో సెలబ్రేట్ చేసుకోండి: ఆ టూరిస్టు కంట్రీ పిలుపు

భారత ప్రధాని నరేంద్ర మోదీపై వివాదాస్పద వ్యాఖ్యలు చేసిన మాల్దీవులు, భారతీయుల నుంచి ఛీత్కారానికి గురైన సంగతి తెలిసిందే. భారతీయ టూరిస్టులు ఎవరూ కూడా మాలే వైపు కూడా తొంగిచూడట్లేదు. దీంతో ఆ దేశ టూరిజం కుదేలైంది. ఆర్థిక వ్యవస్థ మొత్తం అల్లకల్లోలంగా ఉంది. ఈ నేపథ్యంలో ఆ దేశం హోటల్ రంగం మన దేశంలోని వివిధ ప్రాంతాలలో పర్యటిస్తూ భారతీయులు రండి అంటూ కాళ్ల వేళ్లా పడుతోంది.

తాజాగా 17 సంవత్సరాల సుదీర్ఘ విరామం తరువాత టీమిండియా టీ20 వరల్డ్ కప్ అందుకోవడంతో క్రికెటర్లను బుట్టలో వేసుకునే పనిలో పడింది. మీ విజయోత్సవాన్ని మాల్దీవుల్లో జరుపుకోండి అంటూ ఆ దేశ పర్యాటక సంఘం, దాని మార్కెటింగ్, పబ్లిక్ రిలేషన్స్ కార్పొరేషన్ ఆహ్వానించింది.