‘సీఎస్కే’ ఓడిపోవడానికి ప్రధాన కారణం ఏంటీ?

బ్యాటింగ్, బౌలింగ్ విభాగాల్లో బెంగళూరు అద్భుతమైన ప్రదర్శన కనబరిచింది. అంతకుముందు.. సీఎస్కే రాజస్థాన్ రాయల్స్ (ఆర్‌ఆర్), పంజాబ్ కింగ్స్ (పీబీకేఎస్) జట్ల చేతిలో కూడా ఓటమి చవిచూసింది. మొదట బ్యాటింగ్ చేసిన ఆర్‌సిబి.. 3 వికెట్ల నష్టానికి 250 పరుగుల భారీ స్కోరును నమోదు చేసింది.

ఇది ఈ ఏడాది ఐపిఎల్‌లో అత్యధిక స్కోరు ఇది. టిమ్ డేవిడ్ (25 బంతుల్లో 70 నాటౌట్), దేవదత్ పడిక్కల్ (29 బంతుల్లో 50), కెప్టెన్ రజత్ పాటిదార్ (19 బంతుల్లో 48 నాటౌట్)ల దూకుడుతో సీఎస్కే బౌలర్లు తేలిపోయారు.

దీనికి ప్రతిస్పందనగా, సిఎస్‌కె ఛేజింగ్ ప్రారంభంలోనే తడబడింది. టాప్ త్రీ బ్యాట్స్‌మెన్ సంజు సామ్సన్, రుతురాజ్ గైక్వాడ్, ఆయుష్ మహాత్రే తక్కువ స్కోరుకే పెవిలియన్ చేరడంతో స్కోరుబోర్డు 30 పరుగులకే 3 వికెట్లు కోల్పోయింది.

సర్ఫరాజ్ ఖాన్ (25 బంతుల్లో 50), ప్రశాంత్ వీర్ (43), జేమీ ఓవర్‌టన్ (37) మిడిల్ ఆర్డర్‌లో కొద్దిసేపు పోరాడినప్పటికీ అది విజయానికి సరిపోలేదు. పటిష్టమైన ఆర్సీబీ బౌలింగ్ ముందు మిగిలిన బ్యాట్స్ మెన్ చేతలెత్తేశారు. సీనియర్ ఆటగాళ్ల పేలవ ప్రదర్శన, జట్టులో కీలక ఆటగాళ్లు లేకపోవడం, బంతితో వికెట్లు తీయడంలో విఫలమవడం వంటి అంశాలన్నీ సిఎస్‌కె వైఫల్యాలకు ప్రధాన కారణాలు.

టాప్ ఆర్డర్ రాణించలేకపోవడం..

రాజస్థాన్ రాయల్స్ నుంచి ఏరీకోరి తెచ్చుకున్న సంజు సామ్సన్, కెప్టెన్ రుతురాజ్ గైక్వాడ్ ఓపెనర్లుగా ఏ మాత్రం పరుగులు రాబట్టలేకపోతున్నారు. ఇది ప్రధానమైన ఆందోళన. ఇద్దరు మంచి ప్రారంభాలను భారీ ఇన్నింగ్స్ లుగా మార్చలేకపోతున్నారు. ఇన్నింగ్స్‌ను నిలబెట్టడంలో లేదా పవర్‌ప్లేలో వేగంగా పరుగులు సాధించడంలో విఫలం కావడంతో మిడిల్ ఆర్డర్ ఒత్తిడికి గురవుతోంది.

సీఎస్‌కే తమ మాజీ కెప్టెన్ ఎంఎస్ ధోనీ స్ఫూర్తిని సీఎస్కే కొనసాగించలేకపోతోంది. జట్టులో అతని ఉనికి ప్రభావవంతంగా ఉన్నప్పటికీ, కీలక సమయాల్లో మైదానంలో అతని ఉనికి, వ్యూహాత్మక పదును లేకపోవడం స్పష్టంగా కనిపిస్తోంది. ముఖ్యంగా క్లిష్ట పరిస్థితులలో, కీలక దశలను దాటడంలో జట్టు ఇబ్బంది పడింది.

మూడు మ్యాచ్‌లలోనూ ప్రత్యర్థి బ్యాటర్లను కట్టడి చేయడంలో సీఎస్‌కే బౌలింగ్ దళం విఫలమైంది. లక్ష్యాలను కాపాడుకోవడంలో గానీ, స్కోరింగ్‌ను పరిమితం చేయడానికి ప్రయత్నించడంలో గానీ, బౌలర్లు పూర్తిగా తేలిపోతున్నారు. ఆర్‌సీబీతో జరిగిన హై స్కోరింగ్ గేమ్ లో సీఎస్కే అనేక అవకాశాలను వదులుకుంది.

ముఖ్యంగా డెవాల్డ్ బ్రెవిస్ లేకపోవడం జట్టు కూర్పును పూర్తిగా దెబ్బతీసింది. తన దూకుడు స్ట్రోక్ ప్లేకు పేరుగాంచిన బ్రెవిస్, మధ్య ఓవర్లలో జట్టుకు ఊపునిచ్చేవాడు. అతను అందుబాటులో లేకపోవడంతో, బ్యాటింగ్ ఆర్డర్‌లో ఆటను మార్చే డైనమిక్ ఆటగాడు లేకుండా సీఎస్‌కే మిగిలిపోయింది.

నూర్ అహ్మద్ వికెట్లు తీయలేకపోతున్నాడు. దీనికి తోడు భారీగా పరుగులు సమర్పించుకుంటున్నాడు. మధ్య ఓవర్లలో ఆధారపడే బౌలర్ ఎవరిని సీఎస్కే వెతుకులాడాల్సిన పరిస్థితి. వరుసగా మూడు ఓటములతో, సీఎస్‌కే ఇప్పుడు పూర్తిగా డీలాపడిన స్థితిలో కనిపిస్తోంది.

అయితే ఇప్పటివరకు జరిగిన మూడు మ్యాచ్‌లలో జట్టు రెండుసార్లు 200-పైగా స్కోర్లు సాధించి మంచి బ్యాటింగ్ లైనప్ ను మాత్రం చాటుకుంటోంది. ఈ బ్యాటింగ్ విభాగంలో మాత్రే, సర్ఫరాజ్, వీర్, ఓవర్టన్ వివిధ దశలలో తమ సామర్థ్యాన్ని ప్రదర్శించారు. ఒకసారి శామ్సన్, గైక్వాడ్, శివమ్ దూబే రాణించడం మొదలుపెడితే, బ్రెవిస్ త్వరలో జట్టులో చేరే అవకాశం ఉన్నందున, ఆదివారం తమపై RCB చేసిన 250 పరుగులకు సమానంగా లేదా వాటిని మించి స్కోర్లు చేసే సామర్థ్యం ఈ జట్టుకు ఉంది.